სახელმწიფო ინსპექტორის სამსახურის ხელმძღვანელის ლონდა თოლორაიას განცხადებით, „მწვანე სკოლის“ საქმეზე დღემდე საგამოძიებო და საპროცესო მოქმედებები მიმდინარეობს.
მისივე თქმით, გამოძიება ჯერ არ დასრულებულა.
„დღის განმავლობაში რამდენიმე საგამოძიებო და საპროცესო მოქმედება ტარდება. გამოძიება ჯერ არ დასრულებულა, მათ შორის, არც ჩოლოიანის მიმართ არ არის დასრულებული. მას შემდეგ რაც გამოძიება დასრულდება, აბსოლუტურად ყველა დეტალს გაეცემა პასუხი და ყველა პირის ქმედებას, თუ ამ პირთა ქმედებაში გამოიკვეთება დანაშაულის ნიშნები, სახელმწიფო ინსპექტორის სამსახურისა და პროკურატურის მხრიდან აუცილებლად მიეცემა შესაბამისი შეფასება,“ - განაცხადა თოლორაიამ.
რაც შეეხება კითხვას, დატოვა თუ არა პოლიციის განყოფილების უფროსმა თანამდებობა, სადაც გამოკითხვაზე იმყოფებოდა ლუკა სირაძე გარდაცვალებამდე, თოლორაიას თქმით, მათ ამის შესახებ ცნობა არ მიუღიათ.