ანრი ოხანაშვილი - ობიექტურ რეალობას მოკლებულია საუბარი იმაზე, რომ ვინმე ვინმეს მიმართ ზეწოლას ახორციელებს, მით უმეტეს საპროკურორო საბჭოზე

ყოველგვარ ობიექტურ რეალობას მოკლებულია საუბრები იმაზე, რომ ვინმე ვინმეს მიმართ ახორციელებს ზეწოლას, მით უმეტეს საპროკურორო საბჭოზე, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებს განუცხადა, რითაც უპასუხა შეკითხვას, კონკურსის პარალელურად ირაკლი შოთაძის მხარდამჭერი განცხადებები ახდენს, თუ არა გავლენას საპროკურორო საბჭოზე.

ოხანაშვილის თქმით, ზეწოლაზე საუბარი საფუძველს მოკლებულია, რადგან შოთაძესთან დაკავშირებით დეპუტატების შეფასებები საპროკურორო საბჭოს მიმართ გაჟღერებული მოწოდებები არ არის.

"ყოველგვარ საფუძველს და ობიექტურ რეალობას მოკლებულია საუბრები იმაზე, რომ ვინმე ვინმეს მიმართ ახორციელებს ზეწოლას, მით უმეტეს საპროკურორო საბჭოზე. როდესაც კონკრეტული კანდიდატის მიმართ განსაკუთრებული ინტერესია და დეპუტატის მიმართ კითხვა დაისმის, დაუჭერს თუ არა მხარს და თუ დაუჭერს, რა არის მიზეზი, ამ კითხვაზე არგუმენტირებული პასუხის გაცემა არ ნიშნავს საბჭოს მიმართ რაიმეს მოწოდებას. ვერავინ ვერ იტყვის, "ჩვენ მოვუწოდებთ საპროკურორო საბჭოს, ესა და ეს კანდიდატი წარმოგვიდგინოს". ამაზე ხომ არ არის საუბარი. ჟურნალისტები სვამენ შეკითხვას, დავუჭერთ თუ არა მხარს პარლამენტში წარდგენის შემთხვევაში. ჟურნალისტებს შეკითხვის დასმა ხომ არ ავუკრძალოთ? ეს არის იმ შემთხვევაში, თუკი პარლამენტს წარედგინება კონკრეტული კანდიდატურა. საპროკურორო საბჭო იმსჯელებს ყველა კანდიდატთან დაკავშირებით, გააანალიზდება და საბჭოს ყველა წევრი ინდივიდუალურად მიიღებს გადაწყვეტილებას,"- განაცხადა ოხანაშვილმა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო