თბილისის საქალაქო სასამართლოში 22 ნოემბერს ადმინისტრაციული წესით დაკავებული მოძრაობა “გაბედეს” წევრების ბექა ნათელაშვილის, ნიკა პეტრიაშვილის, თორნიკე ჯავახიშვილისა და ოთარ ბექაურის პროცესი მიმდინარეობს. სხდომას მოსამართლე ივანე ღლონტი უძღვება.

ცნობისთვის, 22 ნოემბერს მოძრაობა “გაბედეს” რამდენიმე წევრი სახელმწიფო უსაფრთხოების სამსახურთან გამართულ აქციაზე დააკავეს. გამოძიება ადმინისტრაციული კოდექსის 166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლებით მიმდინარეობს, რაც 15 დღით თავისუფლების აღკვეთას ან ფინანსურ სანქციას გულისხმობს.