დავით ბაქრაძის განცხადებით, გიორგი გახარიასთვის 4 კონგრესმენის მიერ გაგზავნილი წერილი მაინც არ დაიმალება, „ვინაიდან წერილს აუცილებლად გაასაჯაროებს თავად ამერიკული მხარე“

პარტია „ევროპული საქართველოს“ ლიდერი დავით ბაქრაძე აცხადებს, რომ პრემიერ-მინისტრ გიორგი გახარიასთვის 4 კონგრესმენის მიერ გაგზავნილი წერილი მაინც არ დაიმალება, ვინაიდან წერილს აუცილებლად გაასაჯაროებს თავად ამერიკული მხარე.

როგორც ბაქრაძემ საკითხის კომენტირებისას აღნიშნა, თუ კონგრესმენების წერილის დამალვის მცდელობას ექნება ადგილი, ეს ილუსტრირება იქნება იმისა, თუ როგორ რეაგირებს საქართველოს ხელისუფლება კრიტიკაზე.

„ეს წერილი მაინც ვერ დაიმალება, აუცილებლად გასაჯაროვდება თავად ამერიკული მხარის მიერ. ამ წერილის დამალვის ნებისმიერი მცდელობა არის უაზრო, პრიმიტიული მცდელობა რაღაცნაირად მიჩქმალონ კრიტიკა. დემოკრატიული ხელისუფლებები ასე არ რეაგირებენ და კრიტიკულ წერილებს არ მალავენ, ასე იქცევიან გაბანკროტებული რეჟიმები,“-აცხადებს ბაქრაძე.

შეგახსენებთ, რესპუბლიკელი კონგრესმენის ადამ კინზინგერის ინფორმაციით, საქართველოს პრემიერ-მინისტრ გიორგი გახარიას ოთხმა კონგრესმენმა წერილი გაუგზავნა.

როგორც ადამ კინზინგერი სოციალურ ქსელ "ტვიტერზე" წერს, მასთან ერთად წერილის ავტორები არიან გერი კონოლი, მაიკლ მაკკოლი და ელიოტ ენჯელი.

„დღეს ადამ კინზინგერმა, გერი კონოლიმ, ელიოტ ენჯელმა და მაიკლ მაკკოლიმ წერილი გაუგზავნეს საქართველოს პრემიერ-მინისტრს სერიოზულად შეშფოთებულებმა პოლიტიკური დევნით და ეკონომიკის ვარდნის ტრენდით, რაც პრობლემას უქმნის საქართველოს გზას დემოკრატიული რეფორმებისა და დასავლეთში ინტეგრაციისკენ",-წერს კინზინგერი "ტვიტერზე".

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა