კედელი არის ხელისუფლების სიმბოლო, რომელიც საკუთარი ხალხისგან დამალვას ცდილობს, - ასე გამოეხმაურა „ევროპული საქართველოს“ ლიდერი დავით ბაქრაძე პარლამენტის შენობის წინ მიმდინარე სარეაბილიტაციო სამუშაოების გამო მწვანე ღობის დამონტაჟებას.

ბაქრაძის განცხადებით, კედელი პროტესტს ვერ შეაჩერებს.

„ადამიანები საპროტესტოდ გამოყავს უსამართლობის განცდას, ხელისუფლების ტყუილს, გამოყავს იმას, რომ შვილმკვდარი მამა უკვე ორი წელია ითხოვს სიმართლის დადგენას და მკვლელის დასჯას. როგორ შეაჩერებს ამას კედელი? კედელი პირიქით, არის დამატებით უსამართლობის სიმბოლო. კედელი არის სიმბოლო ხელისუფლების, რომელიც საკუთარი ხალხისგან დამალვას ცდილობს. ამიტომ, პროტესტი გაგრძელდება და შეჩერდება მხოლოდ მაშინ, როდესაც ხელისუფლება კედლების აშენების ნაცვლად დაიწყებს ადამიანების მოსმენას", - განაცხადა დავით ბაქრაძემ.