20 ივნისის საქმეზე დაკავებული 4 პირის სასამართლო პროცესს მხოლოდ ორი ბრალდებული ესწრება
20 ივნისის საქმეზე დაკავებული 4 პირის სასამართლო პროცესს მხოლოდ ორი ბრალდებული, ბესიკ თამლიანი და კახაბერ კუპრეიშვილი ესწრება.
თბილისის საქალაქო სასამართლოსთვის გაგზავნილ წერილში ცოტნე სოსელია და ზურაბ ბუდაღაშვილი აცხადებენ, რომ მათ პროცესზე დასწრება არ სურთ.
დღევანდელ სასამართლო სხდომაზე ბრალდების მხარის მტკიცებულებებს გამოიკვლევენ. კერძოდ, დაკითხავენ ორ პოლიციელს, რომელთაგანაც ერთ-ერთი დაზარალებულია.
ცნობისთვის, 20 ივნისის საქმეზე ზურაბ ბუდაღაშვილი, ბესიკ თამლიანი, ცოტნე სოსელიას და კახაბერ კუპრეიშვილი არიან დაკავებული. მათ აღკვეთის ღონისძიების სახით პატიმრობა აქვთ შეფარდებული. დაკავებულ პირებს ბრალი ედებათ ჯგუფურ მოქმედებში მონაწილეობაში, რასაც თან ახლდა რბევა, ძალადობა, სხვისი ნივთის დაზიანება და განადგურება, ასევე ხელისუფლების წარმომადგენლისადმი წინააღმდეგობა და მათზე თავდასხმა. აღნიშნული ბრალი 4-დან 6 წლამდე ვადით თავისუფლების აღკვეთას ითვალისწინებს.
This is a modal window.
v-if="article.gallery" v-html="article.gallery"
