„ცენტრ პოინტის“ დაუსრულებელი ობიექტების პროექტის განხორციელებით ერთ-ერთი დეველოპერული კომპანია „იქსორ დეველოპმენტია“ დაინტერესებული.

კომპანიის გენერალური დირექტორის ვალერიან კირკიტაძის განმარტებით, ამ ეტაპისთვის მათი მოთხოვნებია კოეფიციენტის ზრდა და დღგ-სგან გათავისუფლება.

„დაინტერესებული ვარ რამდენიმე ობიექტით დღევანდელი წარმოდგენილი შენობებიდან კონკრეტულად „დაკიდებული ბაღებით“ და სააკაძის მოედნით. დღევანდელ დღემდეც გვქონდა ჩვენ კომუნიკაცია მერიასთან. ძალიან კარგი ჩართულობა აქვს მერიას დაუსრულებელ შენობებთან დაკავშირებით, მიმდინარეობს ინტენსიური სამუშაოები, მაქსიმალურად ხელშეწყობა დეველოპერული სექტორის, რაც როგორც ჩვენთვის, ისე დაზარალებულებისთვის ძალიან კარგია. წარმოვადგენთ ჩვენს პირობებს. ჩვენს მოთხოვნებში კოეფიციენტის ზრდაზეა საუბარი, დღგ-სგან გათავისუფლებაზე და ვიმედოვნებთ, რომ შესაბამისი კოეფიციენტით რასაც მივიღებთ იმ კოეფიციენტებით უმოკლეს ვადებში იქნება შემდეგ პროექტები შეთანხმებული მერიასთან, რომ ჩვენ სამუშაოები დავიწყოთ. ვადები დამოკიდებულია პროექტის მოცულობაზე. მისი განხორციელება შესაძლებელი იქნება, 2-დან 3 წლამდე საკმაოდ დიდი მოცულობის პროექტებია ორივე, რომლითაც ჩვენ ვართ დაინტერესებული“, - განაცხადა კომპანია „იქსორ დეველოპმენტის“ გენერალურმა დირექტორმა.