არჩილ თალაკვაძე ავსტრიის ელჩს შეხვდა

საქართველოს პარლამენტის თავმჯდომარე, არჩილ თალაკვაძე ავსტრიის რესპუბლიკის საგანგებო და სრულუფლებიან ელჩს, არად ბენკოს შეხვდა.

ამის შესახებ “ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, მხარეებმა არსებული ორმხრივი კავშირები და თანამშრომლობის შემდგომი გაღრმავების მიმართულებები მიმოიხილეს. ხაზი გაესვა დინამიური სავაჭრო-ეკონომიკური თანამშრომლობის შენარჩუნების მნიშვნელობას და ორ ქვეყანას შორის კულტურის სფეროში გააქტიურებულ ურთიერთობებს. გარდა ამისა, ყურადღება გამახვილდა ქართულ და ავსტრიულ სამართალდამცავ ორგანოებს შორის წარმატებულ თანამშრომლობაზე.

პარლამენტის ცნობით, შეხვედრაზე საუბრის ერთ-ერთი მთავარი თემა რუსული ოკუპაცია და რუსეთის ფედერაციის დესტრუქციული ქმედებები, ასევე, ოკუპირებულ აფხაზეთსა და ცხინვალის რეგიონში არსებული მძიმე ვითარება იყო.

მათივე ინფორმაციით, პარლამენტის თავმჯდომარემ ელჩს ავსტრიის მხრიდან საქართველოს სუვერენიტეტისა და ტერიტორიული მთლიანობის, ასევე, ჩვენი ქვეყნის ევროატლანტიკურ ინტეგრაციის მხარდაჭერისთვის მადლობა გადაუხადა. არჩილ თალაკვაძემ ხაზგასმით აღნიშნა არად ბენკოს პერსონალური წვლილი ორ ქვეყანას შორის კავშირების გაღრმავების საქმეში და შემდგომი თანამშრომლობისთვის მზადყოფნა გამოთქვა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)