ამერიკის შეერთებული შტატების საელჩოსთან პარტია “პატრიოტთა ალიანსის” წევრებისა და მხარდამჭერების აქცია დასრულდა. მათ NDI-ისა და IRI-ის კვლევის შედეგები გააპროტესტეს და სამართალდამცველებს მოუწოდეს აღნიშნული ორგანიზაციების საქმიანობა შეისწავლონ.

მათივე მოთხოვნით ამ ორგანიზაციებს საქართველოში საქმიანობის უფლება უნდა აეკრძალოთ.

აქციის მონაწილეებს ფლაერები დაურიგდათ წარწერით: “არა NDI-ისა და IRI-ის კვლევებს”.

„დღეს ჩვენ მივმართავთ ამერიკის საელჩოს, გადასცეთ ამერიკის ხელისუფლებას ქართველი ხალხის მთავარი სათქმელი: დავიღალეთ, შეურაცხყოფილი ვართ ყველა. საქმე უნდა აღიძრას და დაიწყოს გამოძიება კორუფციაზე. ეს კვლევების გაყალბება დანაშაულია”,- განაცხადა პარტიის ლიდერმა ირმა ინაშვილმა.