გენერალურ პროკურატურასთან, „ოლიმპიური ვარსკვლავის“ მშენებლობით დაზარალებულებმა აქცია გამართეს
გენერალურ პროკურატურასთან, „ოლიმპიური ვარსკვლავის“ მშენებლობით დაზარალებულებმა აქცია გამართეს. აქციის მონაწილეების განცხადებით, აღნიშნულ საქმეში ადგილი ჰქონდა ჯგუფურ თაღლითობას და საქმეში მონაწილე ყველა პირის დასჯას ითხოვენ.
„ოლიმპიური ვარსკვლავის“ მშენებლობა უკვე 10 წელია დაკონსერვებულია. ამხანაგობის თავმჯდომარეს მისჯილი აქვს 4 წლით თავისუფლების აღკვეთა და განაჩენის თანახმად, მან მიითვისა 28 მილიონი ლარი. ჩვენ შეტანილი გვაქვს განცხადება და ვითხოვთ ჯგუფურ თაღლითობაში მონაწილე ადამიანების დასჯას, რომლებიც მონაწილეობდნენ ამ უბედურებაში და ათობით ადამიანი დატოვეს ქუჩაში. სასამართლო პროცესზე ჩვენ გავიგეთ, რომ ამხანაგობის თავმჯდომარესთან პროკურატურა აწარმოებს მოლაპარაკებას საპროცესო შეთანხმების თაობაზე. ეს არის პროკურატურის დღევანდელი სახე, ისინი არიან ბიზნესპროკურორები და სანამ ეს არ დასრულდება, ათობით ადამიანი იდგება ქუჩაში, ისევე როგორც ეს ადამიანები,” - განაცხადა ადვოკატმა ზაზა ხატიაშვილმა.
v-if="article.gallery" v-html="article.gallery"
