დავით ჯანდიერის განცხადებით, ადმინისტრაციულ დაკავებებთან დაკავშირებით სასამართლოების მიერ მიღებული გადაწყვეტილებები, ვერანაირ მინიმალურ სტანდარტს ვერ პასუხობს
იურისტ დავით ჯანდიერის განცხადებით, სასამართლოების მიერ მიღებული გადაწყვეტილებები ადმინისტრაციულ დაკავებებთან დაკავშირებით, ვერანაირ მინიმალურ სტანდარტს ვერ პასუხობს.
როგორც მან დისკუსიის „ადმინისტრაციული დაკავება - ხელისუფლების იარაღი" დაწყებამდე ჟურნალისტებს განუცხადა, ბოლო პერიოდის განმავლობაში ჩანს, რომ სასამართლოები კონვეირული წესით განიხილავენ ამ საქმეებს.
„რეალურად ამ დაკავებების უკან დგას ხელისუფლების მიზანი - შეზღუდოს გამოხატვის თავისუფლება, რაც არის კონსტიტიუციით გარანტირებული. ამიტომ სამოქალაქო საზოგადოების, პროფესიული წრეების განსაკუთრებული მეცადინეობა უნდა იქნას მიმართული იმისკენ, რომ სასამართლომ ერთხელ და სამუდამოდ მიაქციოს ყურადღება თუ რა დევს სასწორზე. კონსიტიტუციური უფლებების დაცვა არის მათი უმთავრესი გარანტია. არ შეიძლება იმისთვის, რომ ადამიანები საკუთარ პროტესტს გამოხატავენ, თუნდაც უკიდურესი ფორმით ის, რაც არის გარანტირებული საერთაშორისო შეთანხმებებით, ამისთვის ისინი ისჯებოდნენ", - განაცხადა ჯანდიერმა.
v-if="article.gallery" v-html="article.gallery"
