ანრი ოხანაშვილი რუსეთის დელეგაციის მასპინძლობასთან დაკავშირებით პრეზიდენტის განცხადებაზე - მსგავსი ღონისძიების ჩატარების საკითხს ვერ წყვეტს და არ გადაწყვეტს ერთი ადამიანი

საქართველოს პრეზიდენტის სალომე ზურაბიშვილის განცხადებას, რომლის მიხედვითაც საქართველო მზადაა რუსეთის დელეგაციას ევროსაბჭოს საპარლამენტო ასამბლეაზე უმასპინძლოს, რომელიც თბილისში გაიმართება, პარლამენტის იურიდიულ საკითხთა კომიტეტის თავმჯდომარე ანრი ოხანაშვილი გამოეხმაურა.

როგორც მან ჟურნალისტებთან საუბარში განმარტა, მსგავსი ღონისძიების ჩატარების საკითხს ვერ წყვეტს და არ გადაწყვეტს მხოლოდ ერთი ადამიანი.

„მსგავსი ტიპის ღონისძიებების ჩატარების საკითხს მხოლოდ ერთი პირი ვერ გადაწყვეტს, ეს არის საკითხი, რომელიც უნდა გადავწყვიტოთ ჩვენს ევროპელ მეგობრებთან ერთად, იმ ადამიანებთან ერთად, რომლებიც მხარს უჭერენ საქართველოს ტერიტორიულ მთლიანობას და არ აღიარებენ დე ფაქტო რეჟიმებს. შესაბამისად, ჩვენ ამ საკითხთან დაკავშირებით გვექნება მსჯელობა. ნებისმიერ საკითხში ჩვენ უნდა მივიღოთ გადაწყვეტილება, რომელიც დაეფუძნება მხოლოდ ჩვენი ქვეყნის ინტერესებს და ჩვენი ქვეყნის ინტერესებზე ორიენტირებული გადაწყვეტილება უნდა შევაჯეროთ და შევათანხმოთ ჩვენს სტრატეგიულ პარტნიორებთან და მეგობრებთან ერთად. მხოლოდ ამ ფორმით, ამ მიდგომით შეიძლება რაიმე ტიპის გადაწყვეტილებაზე საუბარი, ჯერ ვერაფერს გეტყვით, ასეთი ტიპის გადაწყვეტილებები არ შეიძლება ერთი ადამიანის მიერ იყოს მიღებული.

მსგავსი ღონისძიების ჩატარების საკითხს ვერ წყვეტს და არ გადაწყვეტს მხოლოდ ერთი ადამიანი. ასეთი მნიშვნელობის მქონე ღონისძიების ჩატარების საკითხი წყდება ჩვენი ჩართულობით ჩვენს ევროპულ მეგობრებთან ერთად ჩვენი ქვეყნის ინტერესებიდან გამომდინარე. ნებისმიერი ტიპის გადაწყვეტილება, რაც არ უნდა მივიღოთ, ჩვენი ქვეყნის ინტერესებს უნდა ეფუძნებოდეს და ამას უნდა ჰქონდეს ლოგიკური თანხვედრა, შესაბამისობა ჩვენს სტრატეგიულ პარტნიორებთან და მეგობრებთან ერთად“, - განაცხადა ოხანაშვილმა.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)