ირაკლი აბუსერიძე ვაზისუბანში მიმდინარე ინფრასტრუქტურულ სამუშაოებს გაეცნო

საპარლამენტო ფრაქცია „ქართული ოცნება-ძლიერი საქართველოსთვის“ თავმჯდომარე, ისნის N8 ოლქის მაჟორიტარი დეპუტატი ირაკლი აბუსერიძე ვაზისუბანში მიმდინარე ინფრასტრუქტურულ სამუშაოებს გაეცნო. ამის შესახებ „ინტერპრესნიუსს“ საქართველოს პარლამენტიდან აცნობეს.

„ცხოვრების ჯანსაღი წესის პოპულარიზაციისა და ახალგაზრდების მასობრივ სპორტულ აქტივობებში ჩართვისთვის უმნიშვნელოვანესია სპორტული ინფრასტრუქტურის განვითარება. სწორედ ამ მიზნით, არაერთი საინტერესო პროექტი ხორციელდება ჩვენს მაჟორიტარულ ოლქში. სიხარულით მინდა აღვნიშნო, რომ თანამედროვე სტანდარტების შესაბამისი ბევრი სივრცე ეწყობა სპორტული ღონისძიებების ორგანიზების შესაძლებლობების გაზრდისთვის. მაგალითად, ამჟამად მიმდინარეობს მუშაობა პროექტზე, რომელიც მოიაზრებს ვაზისუბნის მე-3მ/რ-ის მე-2 კვარტალში 2008 წლის რუსეთ-საქართველოს ომში დაღუპული გმირის, გიორგი ნანუაშვილის სახელობის სპორტული მოედნის მოწყობას, სადაც მისი მემორიალური დაფაც განთავსდება. ამავდროულად, ხორციელდება კეთილმოწყობითი სამუშაოები ვაზისუბნის დასახლების მე-8 კორპუსის მიმდებარე ტერიტორიაზე, სადაც მოეწყობა თანამედროვე სპორტული მოედნები. ჩვენი მოსახლეობის უსაფრთხოებისათვის ასევე მნიშვნელოვანია, რომ რამდენიმე მისამართზე ხდება საყრდენი კედლებისა და კიბეების რეაბილიტაცია“, - განაცხადა ირაკლი აბუსერიძემ.

სარეაბილიტაციო სამუშაოები ირაკლი აბუსერიძესთან ერთად საკრებულოს წევრმა ლევან დავითაშვილმა, ისნის რაიონის გამგებელმა კახა ლაბუჩიძემ და საუბნო განყოფილების ხელმძღვანელმა ხვიჩა ჩალაბაშვილმა დაათვალიერეს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა