გია ვოლსკი - საარჩევნო მოდელ 120/30-ზე მსჯელობა არ მიმდინარეობს

პარლამენტის ვიცე-სპიკერი გია ვოლსკი აცხადებს, რომ საარჩევნო სისტემის ახალ მოდელზე, რომელიც 120 დეპუტატის პროპორციული წესით არჩევას, ხოლო მაჟორიტარული მანდატების 30-მდე შემცირებას გულისხმობს, მსჯელობა არ მიმდინარეობს.

მისი თქმით, ხელისუფლების შეთავაზება 100/50 კვლავ ძალაშია. ვოლსკის განცხადებით, კატეგორიულად მიუღებელია იმის მტკიცება, რომ ქართულ საზოგადოებას მხოლოდ პროპორციული საარჩევნო სისტემის არსებობა სურს.

„არ ვთვლი, რომ ეს ინფორმაცია ცუდი ადამიანების მოგონილია. ვფიქრობ, ადამიანები, რომლებიც განიცდიან შექმნილ მდგომარეობას და რომლებიც ვითარებიდან გამოსავალს ხედავენ ასეთი ან სხვა ფორმულით, ისინი ცდილობენ, რომ თავის მოსაზრება გამოიტანონ განსჯის ასპარეზზე. ზოგს შეიძლება თავისი მერკანტილური აზრი აქვს, მაგრამ ფაქტია, რომ ამ საკითხებთან დაკავშირებით მსჯელობა არ მიმდინარეობს. არის საკმაოდ პრაგმატული შეთავაზება. ვფიქრობ, საერთაშორისო თანამეგობრობის ჩართულობა, რაზეც ბევრი გვაკრიტიკებს, საგანგებოდ მნიშვნელოვანია, რათა მათაც ჩამოუყალიბდეთ პოზიცია, რა სჭირდება საქართველოს. კატეგორიულად მიუღებელია იმის მტკიცება, თითქოს საზოგადოების დიდ ნაწილს მხოლოდ პროპორციული საარჩევნო სისტემის არსებობა სურს,“ - განაცხადა ვოლსკიმ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)