ჩვენთან ჯერჯერობით ინფიცირებული არ დაფიქსირებულა. პანიკის საფუძველი არ არის, მაგრამ სერიოზული მზადება არის ქვეყანაში, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ახალ კორონავირუსთან დაკავშირებით განაცხადა.

მისივე თქმით, იყო გავრცელებული გარკვეული ინფორმაცია პატარა ბავშვთან დაკავშირებით, თუმცა, გრიპი არ აღმოჩნდა.

„ბათუმში 2 ჩინელზეც იყო საუბარი. არაფერი დადასტურდა ლაბორატორიულად. მხოლოდ 37 გრადუსი იყო პირველ დღეს და მეორე დღეს ნორმაში იყო. დღეს მოგეხსენებათ, 37 გრადუსი არ ითვლება სიცხედ“, - განაცხადა ამირან გამყრელიძემ.

მისივე თქმით, აღნიშნული პირები იზოლაციის პირობებში გამოკვლევას არ საჭიროებენ, რადგან მათ არ ჰქონდათ კორონავირუსის კლინიკური ნიშნები.

იხილეთ ვიდეო