ნათია თურნავა აცხადებს, რომ „რიყის დოქების" საპრივატიზებო ღირებულება საკმაოდ მაღალია, რაც მშენებლობის ხარჯებს და მიწის ღირებულებას უკავშირდება

ეკონომიკისა და მდგრადი განვითარების მინისტრი, ნათია თურნავა აცხადებს, რომ „რიყის დოქების" საპრივატიზებო ღირებულება საკმაოდ მაღალია, რაც მშენებლობის ხარჯებს და მიწის ღირებულებას უკავშირდება. ამის შესახებ მინისტრმა ჟურნალისტებს ე.წ. რიყის დოქების გასაყიდი ღირებულების ადეკვატურობის შეფასებისას განუცხადა.

„100 საპრივატიზებო ობიექტი როდესაც დავაანონსეთ, ვთქვით, რომ პერიოდულად საინტერესო მსხვილი ობიექტები დაემატებოდა ამ ნუსხას და დანაპირებს ვასრულებთ. ამ ეტაპზე ესაა „რიყის დოქები“, რომელიც თავის დროზე დიდი თანხა დაჯდა. არის საკმაოდ აქტიურ ტურისტულ ადგილას. სამწუხაროდ, დღემდე ვერ იპოვა თავისი საბოლოო დანიშნულება ამ ობიექტმა. რამდენად ადეკვატურია ეს შეფასება, ამას აუქციონი გვიჩვენებს. მოდით ბაზარმა გადაწყვიტოს“, - აღნიშნა მინისტრმა.

შეგახსენებთ, პროგრამის „100 საინვესტიციო შეთავაზება ბიზნესს“ ქონების პრივატიზაციის ფარგლებში, ეკონომიკისა და მდგრადი განვითარების სამინისტროს აუქციონზე ე.წ. რიყის დოქები გამოაქვს. ამის შესახებ განცხადება გუშინ, მთავრობის სხდომის შემდეგ უწყების ხელმძღვანელმა, ნათია თურნავამ გააკეთა. მინისტრის ინფორმაციით, თბილისის ცენტრში, 15 000 კვ.მეტრზე განთავსებული ობიექტის შეფასება მოხდა არსებული წესით, სამხარაულის ექსპერტიზის ეროვნული ბიუროს მიერ და მისი ფასი 95 მილიონი ლარია.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი