ირლანდიაში გუშინ გამართული ვადამდელი საპარლამენტო არჩევნების ხმების დათვლის პროცესი მიმდინარეობს. საარჩევნო ყუთები 39 საარჩევნო ოლქში ადგილობრივი დროით 09:00 საათზე გაიხსნა. ირლანდიის ეროვნული მაუწყებლების RTÉ-ისა და TG4-ის ექსითპოლების თანახმად, წამყვან პოზიციებს გადაინაწილებენ შემდეგი პარტიები: „ფინე გელი“ (Fine Gael), სინ ფეინი (Sinn Féin) და ფიანა ფეილი (Fianna Fáil).

ქვეყნის 160-მანდატიან პარლამენტში მოხვედრას 17 პოლიტიკური პარტიის 500-ზე მეტი კანდიდატი ცდილობს. სულ ქვეყანაში ხმის მიცემის უფლება 3.2 მილიონ ადამიანს აქვს.

შეგახსენებთ, ირლანდიაში ვადამდელი საპარლამენტო არჩევნების დანიშვნის გადაწყვეტილება მას შემდეგ მიიღეს, რაც ლონდონი და ბრიუსელი Brexit-ზე შეთანხმდნენ.