მიხეილ კალანდიას ბიძა - ზაზა სარალიძე ალბათ, თავისი შვილის მკვლელს ციხესთან ყვავილებით ხელში დახვდება და მერე სახლში მშვიდად წავა

ზაზა სარალიძე ალბათ, თავისი შვილის მკვლელს ციხესთან ყვავილებით ხელში დახვდება და მერე სახლში მშვიდად და წყნარად წავა, - ამის შესახებ ჟურნალისტებს დავით სარალიძის განზრახ ჯგუფურად მკვლელობის საქმეზე ბრალდებულ მიხეილ კალანდიას ბიძამ, დიმიტრი კაკუბავამ განუცხადა.

როგორც ის განმარტავს, საქართველოში სიმართლის დამტკიცების მოლოდინი არ აქვს და მისივე განცხადებით, საქმე რაც შეიძლება მალე, სტრასბურგის სასამართლოში უნდა წავიდეს.

„აქ არანაირი მოლოდინი არ მაქვს. იმედია, აქ ყველაფერს მალე მოვრჩებით და რაც შეიძლება მალე წავალთ სტრასბურგში. იმის მოლოდინი, რომ ამ „შაპიტოს ცირკში“ რაღაც შედეგს მივიღებთ, წარმოუდგენელია, წარმოუდგენელი ძალებია დაძრული. რა უნდა ვქნა, როცა სარალიძე დარბის და ალბათ, თავისი შვილის მკვლელს ციხესთან ყვავილებით ხელში დახვდება და მერე სახლში მშვიდად და წყნარად წავა. ეს არის ჩემი პოზიცია მისი ქმედებებიდან გამომდინარე“, - განაცხადა კაკუბავამ.

მისივე განმარტებით, მიხეილ კალანდიას საქმეზე მიღებული გარკვეული შედეგები მისი ყოფილი ადვოკატის, ანა კოტეტიშვილის დამსახურებაა.

„დღეს 5 მოწმის დაკითხვის თაობაზე შუამდგომლობა დავაყენეთ. მას შემდეგ, რაც კრიმინალური პოლიციის მიერ დანიშნულმა ადვოკატმა ანა კოტეტიშვილმა სამწუხაროდ, დაგვიხურა სხდომები, პროცესის გახსნას ძალიან დიდი ბრძოლის შედეგად მივაღწიეთ. მან არც ერთი მოწმე დაცვის სიაში არ შეიყვანა და ჩვენ ფაქტობრივად უიარაღო აღმოვჩნდით. სასამართლოს მინდა ვცე პატივი, მაგრამ რა მანიპულაციებსაც ვხედავ „შაპიტოს“ წარმოდგენებს მაგონებს.

პროკურატურამ ის მოწმეები ამოღო სიიდან, რომლებიც კალანდიას უდანაშაულობას ამტკიცებდნენ. როგორც იცით, წელიწადნახევარი პროკურატურას კალანდიას მიმართ კითხვა არ გასჩენია. კოტეტიშვილის მეშვეობით ოჯახი დაარწმუნეს, რომ სხდომის დახურვა ჩვენს ინტერესებს ემსახურებოდა, ამაში დაარწმუნა ჩემი დისშვილიც, რამაც თავისი შედეგი გამოიღო“, - განაცხადა კაკუბავამ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს