ჩინეთში კორონავირუსის მსხვერპლის რაოდენობა 1016-მდე გაიზარდა

ჩინეთში, ახალი კორონავირუსის შედეგად, კიდევ 108 ადამიანი დაიღუპა და გარდაცვლილთა საერთო რაოდენობამ 1016-ს მიაღწია, - ამის შესახებ ინფორმაციას ჩინეთის ჯანდაცვის ეროვნული კომისია ავრცელებს.

მათივე ინფორმაციით, ქვეყანაში ვირუსით დაინფიცირებულთა რიცხვი 2,478-ით გაიზარდა და, საერთო ჯამში, 42,638-ი დადასტურებული შემთხვევაა გამოვლენილი.

ქვეყნის ლიდერებმა, პრემიერ-მინისტრ ლი კეციანის ხელმძღვანელობით, გუშინ საგანგებო შეხვედრა გამართეს და ვირუსთან დაკავშირებულ საკითხებზე იმსჯელეს. მათი თქმით, საჭიროა კიდევ უფრო მეტი დამცავი პირბადე და სპეციალური ტანსაცმლი.

შეხვედრაზე აღინიშნა, რომ ქვეყნის სხვადასხვა ნაწილიდან უხანში 20,000-მდე მედპერსონალია გაგზავნილი და მათ უახლოეს დღეებში მედიკოსთა კიდევ რამდენიმე ჯგუფი შეუერთდება.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს