ნიგერიის ქალაქ აუნოში 30 ადამიანი მოკლეს, ქალები და ბავშვები კი გაიტაცეს, - ამის შესახებ ინფორმაციას „ბი-ბი-სი“ ადგილობივ ხელისუფლებაზე დაყრდნობით ავრცელებს.

მათივე ინფორმაციით, დანაშაული, სავარაუდოდ, ისლამისტმა მებრძოლებმა ჩაიდინეს.

გარდაცვლილთა უმეტესობა მოგზაური იყო, რომლებიც მაშინ დაწვეს, როცა ღამით საკუთარ ავტომობილებსა და მოტოციკლებში ეძინათ.

ინციდენტს ისლამისტურ დაჯგუფება „ბოკო ჰარამს“ უკავშირებენ, რომელიც ნიგერიაში 2009 წლიდან ნიგერიის ხელისუფლების წინააღმდეგ მოქმედებს და არაერთ სისხლიან ინციდენტთანაა დაკავშირებული. ბოლო მონაცემებით, აღნიშნულ კონფლიქტს დღემდე 35,000 ადამიანი შეეწირა, ორ მილიონზე მეტი კი უსახლკაროდ დარჩა.