უცხოური უნივერსიტეტებიდან საქართველოს უნივერსიტეტებში სწავლის გაგრძელების მსურველთა გამოცდის შედეგები ცნობილია.
როგორც შეფასებისა და გამოცდების ეროვნულ ცენტრში აცხადებენ, საქართველოში სწავლის გაგრძელების მსურველთათვის ორგანიზებულ გამოცდებზე ზღვარი 20%-ზე მეტმა აპლიკანტმა გადალახა.
აპლიკანტებს შედეგების ნახვა შეუძლიათ ბმულზე https://online2.naec.ge/ext-res/
ცენტრის ცნობით, საქართველოში სწავლის გასაგრძელებლად გამოცდა წელიწადში ორჯერ ტარდება და სტუდენტებს აგვისტოს თვეში კიდევ ერთხელ მიეცემათ დარეგისტრირების საშუალება.
შეგახსენებთ, რომ ტესტირება 5 თებერვალს ჩატარდა. სტუდენტთა პროტესტის მიუხედავად გამოცდაზე დარეგისტრირებული აპლიკანტების 99% გამოცხადდა.