ჯანდაცვის მინისტრის მოადგილის ინფორმაციით, სეზონურ გრიპთან დაკავშირებით პირველადი ჯანდაცვის ცენტრებსა და საავადმყოფოებში მომართვიანობაა შემცირებულია
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილის, თამარ გაბუნიას განცხადებით, სეზონურ გრიპთან დაკავშირებით პირველადი ჯანდაცვის ცენტრებსა და საავადმყოფოებში მომართვიანობაა შემცირებულია.
როგორც გაბუნიამ ჟურნალისტებს განუცხადა, სტატისტიკური მაჩვენებელი გასულ წელთან შედარებით კეთილსაიმედოა.
„მომართვიანობაა მცირდება სეზონურ გრიპთან დაკავშირებით. სტატისტიკა არის უფრო კარგი და კეთილსაიმედო, ვიდრე ეს იყო გასულ წელს. გრიპის მიმართულებით იმ ღონისძიებებმა, რომელიც სახელმწიფომ განახორციელა - ეს იყო ვაქცინაცია და ზოგადი საინფორმაციო კამპანია, საკმაოდ კარგი შედეგი გამოიღო. დღეს გვაქვს სტაბილური, კონტროლირებადი მდგომარეობა გრიპის თვალსაზრისით",- განაცხადა გაბუნიამ.
რაც შეეხება კორონა ვირუსს, მინისტრის მოადგილის ინფორმაციით, დღეის მდგომარეობით, საქართველოში ვირუსი დაფიქსირებული არ არის, თუმცა, მისივე თქმით, 2-3 პაციენტი მუდმივად რჩება დაკვირვების ქვეშ, სანამ ვირუსის შესაძლო შემთხვევა გამოირიცხება.
ამასთან, გაბუნია აცხადებს, რომ სასაზღვრო-გამშვებ პუნქტებზე პრევენციის მიზნით კონკრეტული ღონისძიებები ტარდება.
This is a modal window.
v-if="article.gallery" v-html="article.gallery"
