სამშენებლო პროექტი - იდეიდან უძრავ ქონებამდე

გზა, იდეიდან უძრავ ქონებამდე სამშენებლო პროექტის წარმატებით განხორციელებაზე გადის. სამშენებლო პროექტების მენეჯმენტი ინვესტორებს კონცეფციის ჩამოყალიბებიდან მშენებლობის დასრულებამდე არსებული ყველა ეტაპის განხორციელებაში ეხმარება, უმარტივებს მშენებლობის მიმდინარეობის მართვის პროცესს და აძლევს შესაძლებლობას იდეა მოლოდინების მაქსიმალური თანხვედრით განახორციელოს.

მშენებლობის მართვა კომპლექსური პროცესია, ასოცირდება რისკებთან და გაუთვალისწინებელ ცვლილებებთან. ასეთ დროს საჭიროა პროფესიონალების გუნდი, რომელიც ხარისხის სტანდარტების დაცვით და ოპტიმალური ბიუჯეტირებით მართავს სამშენებლო პროექტთან დაკავშირებულ პროცესებს. ასეთი მოდელის გამოყენებისას დამკვეთს კონტაქტი აქვს პროექტის მენეჯერთან, რომელიც მშენებლობის პროცესში ჩართულ ყველა მხარესთან ეფექტურ კომუნიკაციას უზრუნველყოფს და დამკვეთს მთავარი საქმიანობისგან მოწყვეტის გარეშე აბარებს დასრულებულ პროდუქტს.

კოლიერსმა 2015 წლიდან დღემდე უკვე 40 კომპანიასთან ითანამშრომლა ამ მიმართულებით. განხორციელებული პროექტები მოიცავს ისეთი ტიპის მშენებლობებს, როგორიცაა: ფაბრიკა-ქარხნები, სასტუმროები, რესტორნები და საცხოვრებელი კორპუსები. ერთ-ერთი ყველაზე მასშტაბური კოკა-კოლის ახალი ქარხნის რელოკაციის მართვის პროექტია, რომელიც 18,000 კვ.მ-ს საწარმოო და 2000 კვ.მ-ზე მეტი საოფისე შენობის მშენებლობას მოიცავს. 2019 წელს კოლიერსი ჩაერთო მაკდონალდსის 3 რესტორნის და მაკდონალდსის “ახალი პურის” ენერგოეფექტური საწარმოს მშენებლობის პროექტში, რომელიც გამორჩეულია ჩვენს რეგიონში ფუნქციონალური მნიშვნელობით და სპეციფიური ტექნოლოგიური მოთხოვნებით.

Colliers International Georgia | www.colliers.ge | +995 32 222 44 77 | georgia@colliers.com

(R)