რა გულწრფელი პროტესტი?! გულწრფელი პროტესტი მაშინ გექნებოდათ, როცა გავრილოვი დაასვეს ქვეყანას თავზე,- ასე მიმართა მალხაზ მაჩალიკაშვილმა პარტია “ევროპული საქართველოს” ოფისთან მისულ აქტივისტებს.
მისი თქმით, აქციაზე მისული ახალგაზრდები მართულები არიან.
“რა გულწრფელი პროტესტი?! “ქართული ოცნების” ყველა მომხრე არის მართული მონა. მონასაც კი გააჩნია ღირსება, ესენი არიან უღირსები. ყველა ერთია და ყველა ერთ ჯამში იხარშება და საბოლოოდ მოიხარშება ყველა იმ ერთ ჯამში. როგორიც ქალბატონი ელენე ხოშტარია და თინა ბოკუჩავაა, ესენი თავიანთ დღეში ასეთები არ იქნებიან, სამასი წელი რომ იცხოვრონ. არავის უფლებას არ მივცემ, სიტყვაც არ შეეხება არც ხოშტარიას და არც დანარჩენებს”,- განაცხადა მაჩალიკაშვილმა.
ცნობისთვის, ახალგაზრდების ჯგუფი პარტიის ოფისთან აქციას მართავს. მათი ინფორმაციით, ისინი საქართველოს პარლამენტის შენობაში საბჭოთა ჰიმნის გაჟღერებას აპროტესტებენ.