პარტია “ევროპული საქართველოს” ოფისთან ახალგაზრდების ჯგუფის აქცია დასრულდა. აქციის მონაწილეები ითხოვდნენ, რომ “ევროპული საქართველოს” დეპუტატებმა - ელენე ხოშტარიამ და ირმა ნადირაშვილმა დეპუტატის მანდატი დატოვონ.
აქტივისტებმა პარტიის ოფისის ჭიშკარზე სტიკერები წარწერით: “არა ოკუპანტის ჰიმნს”, “დატოვოს მანდატი ოკუპანტების აგენტმა ელენე ხოშტარიამ” გააკრეს.
შეგახსენებთ, რომ 18 თებერვალს, საპარლამენტო ოპოზიციის დეპუტატებმა - ელენე ხოშტარიამ და ირმა ნადირაშვილმა პარლამენტის სხდომათა დარბაზში საბჭოთა კავშირის ჰიმნი ჩართეს.
ოპოზიციის წარმომადგენლებმა ჰიმნი იმ დროს გააჟღერეს, როდესაც პარლამენტის თავმჯდომარე არჩილ თალაკვაძე ყოველწლიური ანგარიშის წარდგენისას რუსულ ოკუპაციაზე საუბრობდა.