საქართველოს საგარეო საქმეთა მინისტრის დავით ზალკალიანის განცხადებით, ქართველი მეზღვაურების გატაცების საკითხზე საბერძნეთის საკონსულო მუშაობს.

როგორც ზალკალიანმა ჟურნალისტებს განუცხადა, აღნიშნულში საქართველოს პარტნიორები უკვე ჩართულნი არიან.

“ყველა ჩვენი პარტნიორი არის ჩართული, საბერძნეთში ჩვენი გენერალური საკონსულო და საკონსულო ორივე მუშაობენ ამ თემაზე და ყველა ზომას ვიღებთ, მათ შორის გემთმფლობელებთანაც კავშირში ვართ”,- განაცხადა ზალკალიანმა.

ცნობისთვის, საზღვაო ტრანსპორტის სააგენტოს დირექტორის ინფორმაცით, ლიბერიის დროშის ქვეშ მცურავ ტანკერზე შეიარაღებული თავდასხმა მოხდა, გატაცებულია ათი მეზღვაური, მათგან ოთხი საქართველოს მოქალაქეა