ამერიკის შეერთებულმა შტატებმა 5 ირანელი საჯარო მოხელე ე.წ. შავ სიაში შეიყვანა. აშშ მათ თავისუფალი და სამართლიანი არჩევნების ჩატარების ხელის შეშლაში ადანაშაულებს.
აშშ-ის ფინანსთა სამინისტრომ განაცხადა, რომ სანქციებს უწესებს ირანის გუშაგთა საბჭოსა და მისი საარჩევნო ზედამხედველობის კომიტეტის წევრებს, რადგან მათ მომავალ საპარლამენტო არჩევნებში რამდენიმე ათას კანდიდატს დისკვალიფიკაცია მიანიჭეს.
ფინანსთა სამინისტროს სანქციები შეეხება გუშაგთა საბჭოს მდივანს აჰმად ჯანნატის, საბჭოს წევრს მოჰამად იაზდის და საარჩევნო ზედამხედველობის კომიტეტის სამ წევრს. სანქციების პირობებში, აშშ-ში მათი ფინანსური ანგარიშები გაიყინება და ამერიკელებს მათთან საქმიანი ურთიერთობების წარმოება აეკრძალებათ.
ირანში საპარლამენტო არჩევნები 21 თებერვალს არის დანიშნული.