დიდ დიღომში ადგილობრივი მოსახლეობა და გარემოსდამცველები საბავშვო ბაღის მიმდებარედ კორპუსების მშენებლობას აპროტესტებენ

დიდ დიღომში, ადგილობრივი მოსახლეობა და გარემოსდამცველები საბავშვო ბაღ "ხუთკუნჭულას" მიმდებარე ტერიტორიაზე მაღალსართულიანი კორპუსების მშენებლობას აპროტესტებენ.

როგორც აქციის ორგანიზატორმა, გიორგი ჯაფარიძემ ჟურნალისტებს განუცხადა, ბაღში 500 ბავშვი სწავლობს, რომლებიც კორპუსების აშენების შემთხვევაში „მზეს ვერასდროს ნახავენ“.

"ჩვენ დღეს აქ შევიკრიბეთ მოსახლეობასთან ერთად და ვაპროტესტებთ ორი რვასართულიანი კორპუსის მშენებლობას საბავშვო ბაღის ტერიტორიის მოპირდაპირე მხარეს. ეს ადამიანები იძახიან, რომ ტერიტორია მათ ეკუთვნით. ისინი ამ მშენებლობით ბაღის ერთ-ერთ შესასვლელსაც კეტავენ, ასევე კორპუსის აშენების შემთხვევაში ბაღის ბავშვები იქნებიან დაუცველები, რადგან აქ იქნება მტვერი. 500 ბავშვი სწავლობს ამ ბაღში, რომელიც კორპუსის აშენების შემთხვევაში მზის შუქს ვერასდროს ნახავს. მშენებლობას უცხოური კომპანია "იჯი გრუპი" აწარმოებს. ჩვენ მივმართეთ მერიას, გამგებელი საქმის კურსშია, ყველამ იცის და გვეუბნებიან, რომ აგვარებენ ამ საკითხს, რომ მიდის მოლაპარაკებები მფლობელთან, რათა მშენებლობის ადგილმონაცვლეობა მოხდეს",- განაცხადა გიორგი ჯაფარიძემ.

აქციის მონაწილეებს პოლიტიკური გაერთიანება "ლელოს" წარმომადგენელიც შეუერთდა და მოსახლეობას დახმარებას დაპირდა.

იხილეთ ვიდეო: საბავშო ბაღ "ხუთკუნჭულას" მიმდებარე ტერიტორიაზე აქცია გაიმართა

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით