პოლიციის აზრით, ავტომობილის მძღოლი, რომელიც გერმანიის ქალაქ ფოლკმარზენში ადამიანთა ჯგუფში შევარდა, შეგნებულად მოქმედებდა

მძღოლი, რომელიც ჰესენში, ქალაქ ფოლკმარზენში ადამიანთა ჯგუფში მანქანით შევარდა, გერმანიის მოქალაქეა. პოლიციის აზრით, მან ეს საქციელი შეგნებულად ჩაიდინა. ამის შესახებ ადგილობრივი მედია იუწყება.

პოლიციის ინფორმაციით, დაკავებული მძღოლი 29 წლის მამაკაცია, რომელიც წარმოშობით ამავე რეგიონიდან არის. თუმცა, სამართალდამცველები დანაშაულის მოტივზე არ საუბრობენ.

მედია 30 დაშავებულის შესახებ იუწყება. თუმცა, პოლიციაში ამ დროისთვის ზუსტ ციფრს არ ასახელებენ. მძიმედ დაშავებულთა შორის არიან ბავშვებიც.

Mercedes-ის მარკის ვერცხლისფერი ავტომობილი ხალხის ჯგუფში ადგილობრივი დროით დაახლოებით 14:30 საათზე შევარდა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს