სამშენებლო ან სხვა ინერტული ნარჩენით გარემოს დაბინძურებაზე ჯარიმები იზრდება

სამშენებლო ან სხვა ინერტული ნარჩენით გარემოს დაბინძურებაზე ჯარიმები იზრდება. „ნარჩენების მართვის კოდექსში“ დაგეგმილი ცვლილებების მიხედვით, 1 კუბურ მეტრამდე მოცულობის სამშენებლო ან სხვა ინერტული ნარჩენით გარემოს დანაგვიანება გამოიწვევს ფიზიკური პირების დაჯარიმებას 500 ლარით (ნაცვლად 200 ლარისა), ხოლო იურიდიული პირების - 2 000 ლარით (ნაცვლად 500 ლარისა).

იმ შემთხვევაში, თუ ამ ტიპის ნარჩენების მოცულობა 1მ3- დან 10 მ3-მდეა, მაშინ ფიზიკური პირი დაჯარიმდება 500 ლარის ნაცვლად 1500 ლარით, იურიდიული პირის შემთხვევაში კი დადგენილი ჯარიმა შეადგენს 3000 ლარს, 1500 ლარის ნაცვლად.

როგორც კანონპროექტის ინიციატორები განმარტავენ, ფიზიკური პირებისთვის გათვალისწინებული ჯარიმის ოდენობის გასამმაგება იმან გამოიწვია, რომ ამ ტიპის სამართალდარღვევას უფრო ხშირად ფიზიკური პირები ჩადიან.

10 მ3-დან 50 მ3-მდე მოცულობის სამშენებლო ან სხვა ინერტული ნარჩენით გარემოს დანაგვიანების შემთხვევაში, ფიზიკური პირი 5000 ლარით დაჯარიმდება, ხოლო იურიდიული პირი - 15000 ლარით.

ჯარიმის ოდენობა კიდევ უფრო იზრდება, თუ სახეზეა 50 მ3 ან 50 მ3-ზე მეტი მოცულობის სამშენებლო ან სხვა ინერტული ნარჩენით გარემოს დანაგვიანების შემთხვევა. ასეთ დროს ფიზიკურ პირს დაეკისრება ჯარიმა 15 000 ლარის ოდენობით, ხოლო იურიდიულ პირს - 30 000 ლარის ოდენობით.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე