დავით ზალკალიანი - ვისაუბრე იმ უკანონო ქმედებებზე, რომელსაც რუსეთის ფედერაცია ოკუპირებულ ტერიტორიებზე ახორციელებს

ძალიან მნიშვნელოვანი იყო და არის, რომ ჩვენ გაერო-ს ფორმატებს მაქსიმალურად ვიყენებთ იმისთვის, რომ ის პოზიტიური დინამიკა და კარგი გამოცდილება, რომელიც საქართველოს აქვს, წარმოჩენილი იყოს გაერო-ს ფორუმებზე, - ამის შესახებ საქართველოს საგარეო საქმეთა მინისტრმა დავით ზალკალიანმა ჟენევაში ჟურნალისტებთან განაცხადა.

როგორც მან აღნიშნა, წელს საქართველოს პენიტენციური სისტემა იყო წარმოჩენილი, როგორც ადამიანის უფლებების კუთხით ჩატარებული რეფორმების კარგი მაგალითი და საქართველო იყო იმ მოწინავე ქვეყნებს შორის, რომლებმაც ადამიანის უფლებების დაცვის კუთხით წარმოაჩინა ქვეყანა.

ამასთანავე, როგორც მინისტრმა განაცხადა, მან საკუთარ გამოსვლაში ოკუპირებულ ტერიტორიებზე არსებულ ვითარებაზე ისაუბრა.

„წელსაც უკვე გაერო-ს ადამიანის უფლებათა საბჭოს ფარგლებში წარმოვაჩინეთ ქვეყანა უკვე სხვა განზომილებით. მხედველობაში მაქვს ნაადრევ ქორწინებასთან დაკავშირებით გატარებული ზომების კუთხით და იმ საქმიანობასთან დაკავშირებით, რომელსაც ჩვენი შესაბამისი სტრუქტურები აწარმოებენ ამ თვალსაზრისით, რათა უზრუნველყოფილი იყოს ადამიანის ფუნდამენტური უფლებების დაცვა. ის ფაქტი, რომ საქართველო შეზღუდული რაოდენობის ქვეყნებს შორის არის წარმოჩენილი, როგორც კარგი მაგალითი, მიანიშნებს იმაზე, რომ ჩვენ ვართ მოწინავე ქვეყანა და ჩვენი მაგალითი ხდება სამაგალითო სხვებისთვის.

ჩემი გამოსვლა, იყო მაქსიმალურად ფოკუსირებული ოკუპირებულ ტერიტორიებზე შექმნილ სიტუაციასთან დაკავშირებით, იქ უმძიმეს ჰუმანიტარულ მდგომარეობასთან საერთაშორისო თანამეგობრობის ყურადღების მიპყრობის კუთხით, ვისაუბრე ასევე იმ უკანონო ქმედებებზე, რომელსაც რუსეთის ფედერაცია ახორციელებს ოკუპირებულ ტერიტორიებზე, მკვლელობების კონკრეტული ოთხივე შემთხვევა იყო მკაფიოდ გაჟღერებული და მოწოდება საერთაშორისო თანამეგობრობაზე, რომ არ დახუჭონ თვალი ამ უკანონობაზე და ყველაფერს უნდა დაერქვას თავისი სახელი. ის რომ დღევანდელი მსოფლიო არის შესული ასეთ კრიზისში არის იმის ბრალი, რომ რამოდენიმე წევრი ქვეყანა, მათ შორის ერთი განსაკუთრებულად, რუსეთის ფედერაცია, არ ასრულებს მასზე დაკისრებულ საერთაშორისო ვალდებულებას,“- განაცხადა დავით ზალკალიანმა.

მისი თქმით, საქართველოს წინაშე არსებული ვალდებულებების პარალელურად, მან თავის გამოსვლაში მსოფლიო გამოწვევებზეც, მათ შორის სირიასა და ვენესუელაში შექმნილ მძიმე ვითარებაზე ისაუბრა და აღნიშნა, რომ მსგავსი საკითხების ხმამაღლა გაჟღერება, ამ თემების აქტუალიზაცია და საერთაშორისო თანამეგობრობის ერთიანი პოზიცია არის უმნიშვნელოვანესი იმისთვის, რომ მსოფლიო გაუმკლავდეს იმ გამოწვევას, რაც არის დაკავშირებული საერთაშორისოდ ნაკისრი ვალდებულების შეუსრულებლობით.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე