ბლუმბერგი სანდერსს -  თქვენ რუსეთი გეხმარებათ

ვლადიმერ პუტინი ფიქრობს, რომ პრეზიდენტი დონალდ ტრამპი უნდა გახდეს და ამიტომ რუსეთი თქვენ გეხმარებათ, რადგან თქვენ მასთან არჩევნებს წააგებთ, - ამ სიტყვებით მიმართა დებატების დროს აშშ-ის პრეზიდენტობის ერთ-ერთმა კანდიდატმა მაიკლ ბლუმბერგმა პრეზიდენტობის თანაპარტიელ კანდიდატ ბერნი სანდერსს.

ბლუმბერგმა „დემოკრატიული პარტია“ იმ შედეგების შესახებ გააფრთხილა, რაც, მისი აზრით, საპრეზიდენტო კანდიდატად ბერნი სანდერსის წარდგენას მოჰყვება.

„თუ ასე გააგრძელებთ, ჩვენ ავირჩევთ ბერნის, ბერნი დამარცხდება ტრამპთან, დონალდ ტრამპი, წარმომადგენელთა პალატა, სენატი და ზოგიერთი სახელმწიფო უწყება გაწითლდება და ამ კატასტროფაში მოგვიწევს ცხოვრება მომავალი 20-30 წლის მანძილზე,“ - მიმართა ბლუმბერგმა სანდერსს.

პასუხად სანდერსმა განაცხადა, რომ მისი გაპრეზიდენტების შემთხვევაში პუტინი ამერიკის არჩევნებში ვეღარასდროს ჩაერევა.

„მინდა, ბატონ პუტინს ვუთხრა, რომელიც 2016 წლის არჩევნებში ჩაერია: აბა სცადეთ, ამერიკელების ერთმანეთთან დაპირისპირება, ჰეი, ბატონო პუტინო, თუკი მე ამერიკის შეერთებული შტატების პრეზიდენტი გავხდები, მერწმუნეთ, ამერიკის არჩევნებში ვეღარასდროს ჩაერევით,“- განაცხადა სანდერსმა.

აშშ-ის შვიდმა „დემოკრატმა“ საპრეზიდენტო კანდიდატმა დებატები ჩარლსტონში, სამხრეთ კაროლინას შტატში გამართა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით