CNN-ზე ტურიზმის ეროვნული ადმინისტრაციის მარკეტინგული კამპანია გრძელდება

ტურიზმის ეროვნულ ადმინისტრაციასთან თანამშრომლობით, CNN -ის ერთ-ერთ ონლაინ-პლატფორმაზე Great Big Story ქართული მეღვინეობის, ღვინის წარმოების უნიკალური მეთოდის, ახალგაზრდა ქართველი მეღვინის, კახეთის რეგიონისა და კულტურის შესახებ ვიდეო-რგოლი მომზადდა. ამის შესახებ „ინტერპრესნიუსს“ ტურიზმის ეროვნული ადმინისტრაციიდან აცნობეს.

მათი ინფორმაციით, უახლოეს მომავალში CNN საქართველოს შესახებ ონლაინ-პლატფორმაზე Great Big Story კიდევ ერთი ვიდეო-რგოლს განათავსებს, რომელიც მარტვილის კანიონს და სამეგრელოს უნიკალურ ბუნებას ეხება.

Great Big Story პოპულარული სამოგზაურო ონლაინ-პლატფორმაა, რომელსაც მხოლოდ Youtube-ზე 4,7 მილიონზე მეტი გამომწერი ჰყავს, Facebook-ზე კი გვერდს 5,6 მილიონზე მეტი მოწონება აქვს.

ვიდეო-რგოლში მეღვინე ბაია აბულაძე უცხოელ ჟურნალისტებს საქართველოში ღვინის წარმოების 8 ათას წლოვანი ისტორიის, ქართული უძველესი ვაზის ჯიშების, ქვევრის და ღვინის მომზადების ტრადიციული წესების შესახებ უყვება. ბაია აბულაძის თქმით, ის ღვინის დასამზადებლად თანამედროვე ტექნოლოგიებს არ იყენებს და ქვევრში ღვინის დაყენების უპირატესობაზე საუბრობს. ახალგაზრდა მეღვინის მიზანია ღვინის მომზადების უნიკალური ტრადიცია თაობიდან თაობაზე შენარჩუნდეს.

CNN-ზე ტურიზმის ეროვნული ადმინისტრაციის მარკეტინგული კამპანიის ფარგლებში საქართველოს შესახებ გაშვებული სარეკლამო ვიდეო რგოლების დაფარვის ზონა ევროპისა და ახლო აღმოსავლეთის ქვეყნებია.

კამპანიის ფარგლებში CNN-ის ვებ-გვერდებსა და სოციალურ ქსელებში სტატიები, ონლაინ ბანერები და საქართველოს ტურისტული ტურისტული პროდუქტებისა და მიმართულების შესახებ სტატიები გამოქვეყნდა, ქართული კულტურის შესახებ კი 30 წუთიანი გადაცემა მომზადდა. CNN-ის ეთერით 30 წამიანი ვიდეორგოლი (ზაფხული/ზამთარი) გადაიცემოდა, მომზადდა 5 სატელევიზიო რეპორტაჟი.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა