ეუთო-ს საპარლამენტო ასამბლეის პრეზიდენტმა, გიგი წერეთლმა ვენაში ეუთოს საპარლამენტო ასამბლეის სხდომაზე გამოსვლისას საქართველოსოკუპირებულ ტერიტორიებზე და რუსეთის პასუხისმგებლობაზე ისაუბრა. ამის შესახებ „ინტერპრესნიუსს“ „ევროპული საქართველოდან" აცნობეს.
„საქართველოს ოკუპირებულ ტერიტორიებზე გრძელდება მცოცავი ბორდერიზაცია, ადამიანების გატაცება და უკანონო დაკავება, რაც ჰელსინკის საერთაშორისო პრინციპებისა და ფუნდამენტური უფლებების დარღვევას წარმოადგენს. ჩვენ მტკიცედ უნდა დავიცვათ ჩვენი ევროპული უსაფრთხოების საფუძვლები და თითოეულმა ქვეყანამ, მიუხედავად მათი ზომისა თუ ძალისა, პატივი უნდა სცეს პრინციპებსა და თამაშის წესებს. ლეგიტიმური ინტერესები არ მიიღწევა არალეგიტიმური მეთოდებით”, - განაცხადა წერეთელმა.
ეუთოს საპარლამენტო ასამბლეის ზამთრის სესია ჩატარდა, რომლის სხდომებსაც საქართველოს პარლამენტის წევრი, ასამბლეის პრეზიდენტი გიგი წერეთელი ხელმძღვანელობდა. ასამბლეის მუშაობაში მონაწილეობდა ეუთოს წევრი 57 ქვეყნის საპარლამენტო დელეგაცია, საერთაშორისო ორგანიზაციების, არასამთავრობო სექტორისა და მედიის წარმომადგენლები. განსახლიველ თემებს შორის იყო ეუთოს რეგიონში არსებული კონფლიქტები, აგრეთვე ტერორიზმის, რადიკალური ექსტრემიზმისა და ანტისემიტიზმის საკითხები, ადამიანის უფლებების კუთხით არსებული ვითარება.
