ამირან გამყრელიძე - გთხოვთ, ვიყოთ მშვიდად, ნუ მივეცემით პანიკას და ვიხელმძღვანელოთ იმ ინფორმაციით, რაც ოფიციალური წყაროებით ვრცელდება

დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის, ამირან გამყრელიძის განცხადებით, დღეს ქვეყანა პანდემიურ ინფექციებთან საბრძოლველად ბევრად უფრო მზად არის, ვიდრე ეს ოდესმე დამოუკიდებელი საქართველოს ისტორიაში ყოფილა.

ამირან გამყრელიძე მოსახლეობას მოუწოდებს, პანიკას არ აყვნენ და ოფიციალური რეკომენდაციებით იხელმძღვანელონ.

„ხაზი მინდა გავუსვა და მოსახლეობა დავამშვიდო, რომ კორონავირუსული ინფექცია ამ ტიპის, ე.წ. ახალი, 2019 წლის კორონავირუსული ინფექცია დიახ, გახლავთ სერიოზული, მაგრამ ყველაფერი შედარებითია, არა იმდენად სერიოზული, როგორიც იყო მისი წინმავალი ინფექციები. დიახ, მთელ მსოფლიოში გამოცხადებულია პანდენიმიური მზადება, ეს იმას ნიშნავს, რომ ყველა ქვეყანა ელოდება. დაახლოებით, 36 ქვეყანაში დაფიქსირებულია შემთხვევები, ეს ჩვენთვის მოულოდნელი არ იყო. ორი კვირის წინ, ჩავატარეთ შესაბამისი სამაგიდო სავარჯიშო დაავადებათა კონტროლის ცენტრში, სადაც საკოორდინატორო საბჭოს ყველა უწყება იყო წარმოდგენილი, ეს პასუხი მულტისექტორული გახლავთ, აქ არის ძალიან ბევრი უწყების პასუხისმგებლობა, ამ საკითხთან ბრძოლაში და იქ გამოიკვეთა ქვეყნის მზაობის დონე, რა დონეზე ვართ ჩვენ მზად, რა გვაქვს გამოწვევები, რა უნდა გამოვასწოროთ და ა.შ. დღეს ქვეყანა ბევრად უფრო მომზადებულია ინფექციებთან საბრძოლველად, მათ შორის, პანდემიურ ინფექციებთან საბრძოლველად, ვიდრე ეს ოდესმე ყოფილა დამოუკიდებელი საქართველოს ისტორიაში.

ამიტომ გთხოვთ, ვიყოთ მშვიდად, ნუ მივეცემით პანიკას და ვიხელმძღვანელოთ იმ ინფორმაციით, რაც ოფიციალური საინფორმაციო წყაროებით ვრცელდება, ვიქონიოთ კონტაქტი ჩვენს ოჯახის ექიმებთან, სამედიცინო დაწესებულებებთან, ჩვენ ძალიან ღია ვართ დაავადებათა კონტროლის ცენტრი, არის ორი ცხელი ხაზი 15 05, 116 001, შეგიძლიათ ნებისმიერი კითხვა ცხელი ხაზის, „ფეისბუქის“, ვებგვერდის საშუალებით გაგზავნოთ, ამაზე იქნება პასუხი, იმიტომ რომ ძალიან დიდი მნიშვნელობა აქვს ამ დროს კომუნიკაციას მოსახლეობასთან“, - განაცხადა გამყრელიძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა