ინფექციური საავადმყოფოს ბოქსირებული განყოფილების უფროსი - ამ მომენტისათვის ჩვენთან იმყოფება 16 ადამიანი, 5-6 პაციენტს კიდევ მოიყვანენ

ინფექციური საავადმყოფოს ბოქსირებული განყოფილების უფროსის, მარინა ენდელაძის ინფორმაციით, ინფექციურ საავადმყოფოში ამჟამად 16 პაციენტი რჩება და კიდევ 5-6 პაციენტის შეყვანას ელოდებიან.

როგორც მარინა ენდელაძემ „პალიტრანიუსის“ გადაცემაში „360 გრადუსი“ განაცხადა, კლინიკაში მყოფი 21 პაციენტიდან 13 პაციენტის პასუხი უკვე ცნობილია და მათგან არც ერთს დადასტურებია ახალი კორონავირუსი.

„ამჟამად კლინიკიდან გადაყვანილი იქნა 6 პაციენტი, რომლებსაც არ დაუდასტურდათ კორონავირუსი და ამ მომენტისათვის ინფექციურ საავადმყოფოში იმყოფება 16 პაციენტი. ამჟამად დაწესებულებაში მყოფი ყველა პაციენტის მდგომარეობა არის დამაკმაყოფილებელი. ჩვენი ინფორმაციით, 5-6 პაციენტს კიდევ მოიყვანენ. დღეს ჩვენ მივიღეთ 13 პაციენტის პასუხი, ამათგან არც ერთს არ დადასტურებია ახალი კორონავირუსი და კიდევ ველოდებით 5 პაციენტის პასუხს“,-განაცხადა მარინა ენდელაძემ.

რაც შეეხება პაციენტს, რომელსაც კორონავირუსი დაუდასტურდა, ენდელაძის თქმით, ის სრულად იზოლირებულია.

„ის პაციენტი, რომელსაც კორონავირუსი აღმოაჩნდა, არის სრულ ბოქსში, რაც გულისხმობს იმას, რომ სრულიად იზოლირებულია. ამდენად, საშიშროება იმისა, რომ ამ პაციენტისგან კორონავირუსი სხვას გადაედოს, ფაქტობრივად, არ არსებობს. მისი მდგომარეობა ამ დროისთვის დამაკმაყოფილებელია“, - განაცხადა მარინა ენდელაძემ.

იხილეთ ვიდეო: "მას მკურნალობაც არ სჭირდება" - ბოლო ინფორმაცია კორონავირუსით ინფიცირებული პაციენტის მდგომარეობაზე

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს