ამირან გამყრელიძე - ინფექციური საავადმყოფო სტრატეგიული ობიექტია, სადაც ყველაზე პროფესიონალები მუშაობენ და მათ უნდა მივცეთ უფლება იმუშაონ

ინფექციურ საავადმყოფოზე ბრალდებებს ვერ მივიღებ, რადგან თითოეულ თქვენთაგანს, იგივე მე, რამე რომ დაგვჭირდეს, ამ ადამიანებთან უნდა მივიდეთ, - ასე გამოეხმაურა დაავადებათა კონტროლის ცენტრის ხელმძღვანელი ამირან გამყრელიძე ინფექციურ სავადმყოფოში არსებულ სიტუაციასთან დაკავშირებით გავრცელებულ ინფორმაციას.

ჟურნალისტების კითხვაზე, რას ნიშნავს ინფექციური საავადმყოფოს მხრიდან ერთ-ერთი არხისთვის ბოიკოტის გამოცხადება, როცა საზოგადოებრივი ინტერესი მაღალია, ამირან გამყრელიძე აცხადებს, რომ არავითარი ბოიკოტი არ არის.

„გასაგებია, რომ გარკვეული ინფრასტრუქტურული პრობლემები შესაძლებელია ყოფილიყო, მაგრამ მეორეს მხრივ, ეს არის ქვეყნის ცენტრალური ინფექციური საავადმყოფო, ქვეყნის ხერხემალი ეპიდემიებთან კლინიკური ბრძოლის.

ძლიერი დასაყრდენია ყოველმხრივ, რადგან თამამად შემიძლია გითხრათ, რომ იქ გახლავთ ყველაზე გამოცდილი ადამიანები და გამოცდილი სამედიცინო პერსონალი ნებისმიერ ინფექციასთან ბრძოლის კუთხით, არამარტო კორონავირუსული, არამედ გაცილებით უფრო მძიმე, ე.წ. განსაკუთრებით საშიში პათოგენებით გამოწვეულ ინფექციებთან.

ვერ გეტყვით რომელ გადაცემაში იყო საუბარი, ამ საკითხს ღრმად არ ვიცნობ. ვერ გეტყვით ბოიკოტი გამოცხადდა, არ გამოცხადდა. ხომ ხედავთ არავითარი ბოიკოტი არ არის, ვსაუბრობ ღია ეთერში ყველასთან, თქვენთან. კიდევ ერთხელ ვადასტურებ ჩემს სოლიდარობას ჩემ კოლეგებთან.

ყველას გთხოვთ, დავმშვიდდეთ, ექიმებს უფლება მივცეთ თავიანთ ადგილზე იმუშაონ. ვიმეორებ, ინფექციური საავადმყოფო ქვეყნის სტრატეგიული ობიექტია, სადაც ყველაზე უფრო პროფესიონალი კადრები მუშაობენ და მათ უნდა მივცეთ უფლება იმუშაონ, მოარჩინონ ადამიანები.

საზოგადოებას გაწვდით ინფორმაციას, დაგიმალეთ რამე? ბოიკოტზე არ არის საუბარი, ჩვენ ერთმანეთს მუშაობა უნდა ვაცალოთ, ჩემი ტელეფონი არ ჩერდება, ყველა ზარს რომ ვუპასუხო, ნიშნავს, რომ არ უნდა ვიმუშაოვო. მერე აქეთ დამდებთ ბრალს არაფერს აკეთებსო, ხომ უნდა მომცეთ უფლება და ასევე ექიმებს მისცეთ უფლება მუშაობის. მედიას დიდი როლი გეკისრებათ ამ ტიპის პანიკის და ამ ტიპის ეპიდემიების, თუ ეპიდაფეთქებების წინააღმდეგ ბრძოლაში რამდენად სწორად მიიტანთ ინფორმაციას“, - განუცხადა ამირან გამყრელიძემ ჟურნალისტებს.

მისივე თქმით, ყველა უნდა ენდოს სამედიცინო პერსონალს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება