სამხრეთ კაროლინაში გამართულ „დემოკრატების“ პრაიმერში ჯო ბაიდენი ლიდერობს

სამხრეთ კაროლინას შტატში გამართულ „დემოკრატების“ პრაიმერში აშშ-ის ყოფილი ვიცე-პრეზიდენტი, ჯო ბაიდენი ლიდერობს.

„ბი-ბი-სის“ ინფორმაციით, ბიულეტენების 90%-ის დათვლის შემდეგ ბაიდენს ამომრჩევლების 49% უჭერს მხარს, მეორე ადგილზეა ვერმონტის შტატის სენატორი ბერნი სანდერსი - 20%-ით, მესამეს ადგილს კი 11 %-იანი მხარდაჭრით მილიარდერი ტომ სტეიერი იკავებს.

„“დემოკრატებს“ სჭირდებათ კანდიდატი, რომელიც „დემოკრატია“, მთელი ცხოვრება „დემოკრატია“, ამაყი „დემოკრატია“, ობამა-ბაიდენ „დემოკრატია“. ჩვენ გვაქვს ორი ვარიანტი : დიდი გამარჯვება, ან დიდი მარცხი “, - განაცხადა ბაიდენმა.

შედეგების გამოცხადების შემდეგ ტომ სტეიერმა საპრეზიდენტო რბოლა დატოვა.

სამშაბათს კანდიდატები „სუპერ სამშაბათის“ პრაიმერში დაუპირისპირდებიან ერთმანეთს, რომელიც ერთდროულად ქვეყნის 14 შტატში იმართება.