თენგიზ ცერცვაძის ინფორმაციით, ინფექციურ საავადმყოფოში 32 პაციენტი რჩება და მათგან ფილტვების ანთება მხოლოდ ერთ პაციენტს აღენიშნება

ინფექციური საავადმყოფოს გენერალური დირექტორის თენგიზ ცერცვაძის ინფორმაციით, ამ დროისთვის ინფექციურ საავადმყოფოში 32 პაციენტი რჩება.

ცერცვაძის განცხადებით, მხოლოდ ერთ პაციენტს აქვს ფილტვების ანთება.

"ამჟამად კლინიკაში რჩება 32 პაციენტი, ეს მაჩვენებელი იმდენად სწრაფად იცვლება, რომ ზუსტად ცოდნა შეუძლებელია, რადგან შეიძლება ამ წუთშიც ვიღაც შეიყვანეს. ჩემი ლექციაზე წამოსვლის წინ 32 პაციენტი იყო, ასევე ზუსტად იმის თქმა, თუ რამდენს ველით ძნელია იმიტომ, რომ ახალშემოსულებს იღებენ, მაგრამ რამდენადაც ვიცი, დაახლოებით 15-16 პაციენტის პასუხს ველით. კლინიკურად ტიპიური ახალი კორონავირუსით ინფექცია ისეთი მძიმე მიმდინარეობის, რომ კლინიკურად საეჭვო იყოს არ არის. ერთ პაციენტს აქვს მხოლოდ ფილტვების ანთება, პნევმონია, დანარჩენს პნევმონიაც არ აქვს. ამ პიროვნების ბიოლოგიური მასალა აღებულია და პასუხს ველოდებით.

ამჟამად ყველა უცხოეთში ნამოგზაურები განიხილება, როგორც საეჭვო ან შესაძლო შემთხვევა, მაგრამ ჩვეულებრივზე მეტი ეჭვი ამჟამად არ გვაქვს",- განაცხადა თენგიზ ცერცვაძემ.

ამასთანავე თენგიზ ცერცვაძემ რესპუბლიკურ საავადმყოფოში სამედიცინო პერსონალისთვის ჩატარებულ ტრენინგთან დაკავშირებითაც ისაუბრა და აღინიშნა, რომ მან საავადმყოფოს პერსონალს კორონავირუსზე დეტალური ინფორმაცია მიაწოდა.

„აქ შეკრებილი იყო მთელი სამედიცინო პერსონალი, ჩვენ გვქონდა ძალიან ხანგრძლივი და ნაყოფიერი საუბარი. მე წავიკითხე ლექცია, მივაწოდე ინფორმაცია ახალი კორონავირუსის ინფექციის შესახებ ყველა საინტერესო ასპექტებზე, განსაკუთრებით, როგორია მართვის მენეჯმენტის პრინციპები, ვინ უნდა იყოს მიჩნეული შესაძლო, სავარაუდო შემთხვევად, დადასტურებულ შემთხვევად, როცა მიმართავს რესპერაციული ნიშნებით პაციენტი, რა პროცედურები უნდა გაიაროს და სხვა მნიშვნელოვანი დეტალები", - განაცხადა თენგიზ ცერცვაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით