სირიის სახელმწიფო მედია უარყოფს გავრცელებულ ინფორმაციას, რომ ხელისუფლების კუთვნილი თვითმფრინავი მოწინააღმდეგეებმა ჩამოაგდეს, ამის ნაცვლად კი აცხადებს, რომ იდლიბის რეგიონში სირიის სამთავრობო არმიამ თურქეთის უპილოტო საფრენი აპარატი ჩამოაგდო.
სირიის სახელმწიფო მედიის ინფორმაციით, თურქული წარმოების საფრენი აპარატი იდლიბის რეგიონში მდებარე ქალაქ სერაქიბთან ჩამოაგდეს.
მანამდე თურქულმა სახელმწიფო მედიასააგენტომ Anadolu განაცხადა, რომ სირიის ხელისუფლების თვითმფრინავი ჩამოაგდეს ქვეყნის ჩრდილო-დასავლეთში, სადაც სირიის ჯარები არიან განლაგებული.
სირიაში იდლიბის რეგიონი ბოლოა, რომელსაც მეამბოხეები აკონტროლებენ. რეგიონში ინტენსიური საბრძოლო მოქმედებები მიმდინარეობს.