რუსეთი ვეღარ უზრუნველყოფს სირიის თავზე თურქული თვითმფრინავების უსაფრთხოებას მას შემდეგ, რაც დამასკომ იდლიბის თავზე საჰაერო სივრცე დახურა, - ამის შესახებ სირიაში მოწინააღმდეგე მხარეების შერიგების რუსული ცენტრის ხელმძღვანელმა ოლეგ ჟურავლიოვმა განაცხადა.
მისივე თქმით, სირიის მთავრობა იძულებული გახდა, იდლიბის საჰაერო სივრცე დაეხურა.
”ასეთ პირობებში, რუსეთის დროებითი ჯგუფის სარდლობა ვეღარ უზრუნველყოფს სირიაში თურქული თვითმფრინავების ფრენების უსაფრთხოებას”, - აღნიშნა ოლეგ ჟურავლიოვმა.
შეგახსენებთ, გუშინ გავრცელდა ინფორმაცია იმის თაობაზე, რომ თურქულმა ეფ-16 ტიპის გამანადგურებლებმა სირიის ხელისუფლების კუთვნილი ორი საბრძოლო თვითმფრინავი ჩამოაგდეს, სირიის საჰაერო თავდაცვითმა სისტემებმა კი ექვსი თურქული დრონი გაანადგურეს.