ისრაელის არჩევნებში კორონავირუსის გამო, კარანტინში მყოფი ათასობით მოქალაქე სპეციალურ საარჩევნო უბნებზე აძლევს ხმას, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, ისრაელში სულ 5 600 ასეთი პოტენციური ამომრჩეველია, რომლებიც 16 სპეციალურ უბანზე არიან განაწილებული. სადეზინფექციო საშუალებების გამოყენებისა და უსაფრთხოების სხვადასხვა პროცედურის გამო, აღნიშნულ უბნებზე ხმის მიცემა ნელი ტემპით მიმდინარეობს.

შეგახსენებთ, ისრაელში ბოლო 11 თვის განმავლობაში მესამე საპარლამენტო არჩევნები ტარდება.