თსუ-ს პრე-აქსელერაციის პროგრამის JET29 გამარჯვებულები გამოვლინდნენ

ივანე ჯავახიშვილის სახელობის თბილისის სახელმწიფო უნივერსიტეტის პრე-აქსელერაციის პროგრამის JET29 გამარჯვებულები გამოვლინდნენ.

როგორც „ინტერპრესნიუსს“ თსუ-დან აცნობეს, ღონისძიებას თსუ-ის რექტორი გიორგი შარვაშიძე, „საქართველოს ინოვაციებისა და ტექნოლოგიების სააგენტოს“ თავმჯდომარე ავთანდილ კასრაძე, „საქართველოს ბანკის“ და „ბრიტანეთის საბჭოს“ წარმომადგენლები დაესწრნენ.

მათივე ცნობით, 19-27 თებერვლის ჩათვლით თსუ-ს სტუდენტებისგან შექმნილმა გუნდებმა 10 დღიანი ინტენსიური სატრენინგო კურსი გაიარეს, განავითარეს და დახვეწეს თავიანთი სტარტაპ იდეები, რომელიც 29 თებერვალს დემო დღეზე წარადგინეს.

,,ღონისძიებას პირველად ატარებს თსუ ცოდნის გადაცემისა და ინოვაციების ცენტრი, ეს არის თანამშრომლობის ძალიან კარგი პროექტი, ჩატარდა გრძლევადიანი ტრენინგები ჩვენი სტარტაპის მსურველთათვის და დღეს შემაჯამებელ ღონისძიებაზე, 10 წუთიანი ფილმით გვაჩვენეს თუ როგორ მიმდინარეობდა მუშაობა ამ დღეეების განმავლობაში, იყო ბევრი სიახლე და მონაწილეებმა შეძლეს მოკლე დროში დაერწმუნებინათ მომავალი ინვესტორები“, - განაცხადა თსუ-ის რექტორმა გიორგი შარვაშიძემ.

პრე-აქსელერაციის პროგრამა დამწყები სტარტაპერების განვითარებას უწყობს ხელს. პროგრამის მიზანია ადგილობრივი ინოვაციურ-ტექნოლოგიური პოტენციალისა და სტარტაპ ეკოსისტემის გაძლიერება.

ჩვენ გვქონდა იდეა არქიტექტორებს დავხმარებოდით AI –ს საშუალებით, უფრო გაემარტივებინათ შენობების დაგეგმარება. დღეს გავხდით ორი კომპანიის რჩეული: რედბერი და „საქართველოს ბანკი“, რაც გულისმხობს იმას, რომ შემდეგში გვექნება საშუალება გავიაროთ კონსულტაციები ამ კომპანიებთან, რომლებიც წაგვწევენ წინ, მოგვცემენ რჩევებს“,-აღნიშნა თსუ ზუსტ და საბუნებისმეტყველო მეცნიერებათა მაგისტრმა არჩილ საყევარაშვილმა.

მისი თქმით, ტრენინგებმა განავითარა როგორც მონაწილეთა იდეები, ასევე ცოდნა და იგი მადლობას უხდის პროგრამის ორგანიზატორებს.

თსუ ცოდნის გადაცემისა და ინოვაციების ცენტრის ხელმძღვანელი ნინო ქურდაძე პრე-აქსელერაციის პროგრამის ერთ-ერთ მთავარ ღირებულებად თავის სფეროში წარმატებულ ტრენერთა და მათთან ერთად საუკეთესო მენტორთა გუნდის ჩართულობას მიიჩნევს.

,,პრე-აქსელერაციის პროგრამის ერთ-ერთი მთავარი ღირებულება საუკეთესო, თავის სფეროში წარმატებულ ტრენერთა და მათთან ერთად საუკეთესო მენტორთა გუნდია, რომლებიც საინტერესო რჩევებს აძლევდნენ მონაწილეებს. ასევე ჩვენ გავაცოცხლეთ Elevator Pitch, რაც მოკლე დროში ადამიანებისთვის საკუთარი იდეის გაცნობასა და მათ დაინტერესებას გულისხმობს” , - განაცხადა ნინო ქურდაძემ.

სატრენინგო კურსს სტარტაპ ეკოსისტემაში აქტიურად მონაწილე ტრენერები უძღვებოდნენ: დავით ჩეჩელაშვილი, ნიკოლოზ გოგოჭური, მერაბ კუცია, ლია მოშიაშვილი, ნოდარ შარაბიძე და მახარე მერებაშვილი. ტრენერებთან ერთად მონაწილეებს რჩევებს გამოცდილი მენტორები აძლევდნენ, მათ შორისაა სოსო გალუმაშვილი, ლევან კეცხოველი, ირაკლი ჩიქავა და გიორგი მირზიკაშვილი.

"საქართველოს ბანკისთვის" ძალიან მნიშვნელოვანია სტუდენტების ხელშეწყობა სხვადასხვა მიმართულებით. თბილისის სახელმწიფო უნივერსიტეტსა და "საქართველოს ბანკის" თანამშრომლობის ფარგლებში მხარს ვუჭერთ მათ პირველ პრე-აქსელერატორის პროექტს, დღეს სათავო ოფისში გაიმართა დემო დღე, სადაც ბევრი საინტერესო იდეა მოვისმინეთ“, - „საქართველოს ბანკის“ ბრენდმენეჯერმა სტუდენტებისა და სკოლის მოსწავლეების მიმართულებით სალომე კვირკველიძემ.

პრე-აქსელერაციის პროგრამის დასკვნით ღონისძიებაზე პროგრამაში მონაწილე გუნდებმა საკუთარი იდეები სტარტაპ ეკოსისტემის მნიშვნელოვანი წარმომადგენლებისგან შემდგარ ჟიურის წარუდგინეს.

დემო დღეზე წარმოდგენილი ხუთივე გუნდი გამარჯვებულია, სტარტაპერებს ჯეპრამ, რედბერიმ, „საქართველოს ბანკმა“ და საქართველოს ინოვაციებისა და ტექნოლოგიების სააგენტომ (GITA) ჯილდოები საჭიროებისამებრ შეურჩიეს. გუნდებმა მენტორობა, სხვადასხვა ღონისძიებაზე დასწრების უფლება და საკუთარი იდეის რეალიზაციის შანსი დაიმსახურა.

პროგრამისა და ღონისძიების მხარდამჭერები არიან: "საქართველოს ბანკი"; საქართველოს ინოვაციებისა და ტექნოლოგიების სააგენტო (GITA); ბრიტანეთის საბჭოს პროგრამა „შემოქმედებითი ნაპერწკალი“.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს