გავრცელებული ინფორმაციით, სირიის სამთავრობო ძალებმა იდლიბის საკვანძო ქალაქ სარაქიბზე კონტროლი დაიბრუნეს

სირიის იდლიბის საკვანძო ქალაქ სარაქიბში ამბოხებულებსა და სამთავრობო ძალებს შორის შეტაკებები გრძელდება. „ალ ჯაზირას“ ინფორმაციით, საომარ მოქმედებებში რუსული ავიაციაცაა ჩართული, რომელიც თურქეთისა და მისი მოკავშირე ოპოზიციური ძალების პოზიციებს ბომბავს.

სირიის სახელმწიფო მედიის ინფორმაციით, სამთავრობო ძალებმა შეძლეს სარაქიბის უმეტეს ნაწილზე კონტროლი კვლავ დაემყარებინათ და ამჯერად შეტაკებები ქალაქის გარეუბნებში გრძელდება.

SANA-ს კორესპონდენტი აცხადებს, რომ ასადის ჯარები ქალაქში მას შემდეგ შევიდნენ „რაც თურქეთის რეჟიმის მიერ მხარდაჭერილი ტერორისტები განდევნეს“.

შეგახსენებთ, იდლიბის საკვანძო ქალაქ სარაქიბისთვის ბრძოლები უკვე რამდენიმე კვირაა მიმდინარეობს. ვრცელდებოდა ინფორმაცია, რომ მასზე კონტროლი აჯანყებულებმა რამდენიმე დღის წინ დაამყარეს, თუმცა ცნობებს არ ადასტურებდნენ რუსული და სირიის სამთავრობო წყაროები.

ამასთან, რეგიონში 33 თურქი ჯარისკაცის დაღუპვის შემდეგ, თურქეთის პრეზიდენტმა, რეჯეფ ტაიფ ერდოღანმა გადაწყვეტილება მიიღო, ქვეყანაში მყოფი მილიონობით მიგრანტისთვის ევროპისკენ გზა გაეხნა. მისი თქმით, ანკარა ამ ტვირთს მარტო ვეღარ გაუმკლავდება.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით