სებასტიან კურცი - თუ ევროკავშირი პრეზიდენტ ერდოღანს წინააღმდეგობას ვერ გაუწევს, მაშინ ეს ევროკავშირის დასასრული იქნება
საბერძნეთის მიგრანტების კრიზისი ევროკავშირზე თურქეთის მიერ მოწყობილი თავდასხმაა, - ამის შესახებ ავსტრიის კანცლერმა სებასტიან კურცმა ვენაში სიტყვით გამოსვლის დროს განაცხადა.
„ეს თურქეთის თავდასხმაა ევროკავშირსა და საბერძნეთზე. ისინი ევროკავშირზე ზეწოლის მოსახდენად ხალხს იყენებენ. თუ ევროკავშირი პრეზიდენტ ერდოღანს წინააღმდეგობას ვერ გაუწევს, მაშინ ეს ევროკავშირის დასასრული იქნება. თუ ევროკავშირის საზღვრის დაცვა არ იმუშავებს, მაშინ ევროპის ქვეყნების საზღვრების გარეშე არსებობა და თავისუფალი გადაადგილება ისტორიას ჩაბარდება“, - განაცხადა ავსტრიის კანცლერმა.
შეგახსენებთ, თურქეთმა მიგრანტებისთვის საზღვრების გახსნის გადაწყვეტილება მას შემდეგ მიიღო, რაც სირიის იდლიბის პროვინციაში ასადის ჯარებმა და მისმა მოკავშირეებმა 33 თურქი სამხედრო მოკლეს. მას შემდეგ თურქეთ-საბერძნეთის საზღვრის გადაკვეთა 5 000-ზე მეტმა ლტოლვილმა სცადა. ამ დროისთვის თურქეთში 3.7 მილიონი სირიელი ლტოლვილი იმყოფება.
This is a modal window.
v-if="article.gallery" v-html="article.gallery"
