აშშ-ის ტენესის შტატის ქალაქ ნეშვილში ტორნადოს სულ მცირე 25 ადამიანის სიცოცხლე შეეწირა, დაშავებულთა რაოდენობა კი - 30-ია, - ამის შესახებ ინფორმაციას „როიტერსი“ ადგილობრივ ხელისუფლებაზე დაყრდნობით ავრცელებს.
მათივე ინფორმაციით, მოსალოდნელია მსხვერპლის რაოდენობის ზრდა, ვინაიდან რამდენიმე ადამიანი დაკარგულად ითვლება და სამაშველო ჯგუფები შენობების ნანგრევებში სამძებრო-სამაშველო ოპერაციას ამ დრომდე აწარმოებენ.
ქალაქის სახანძრო დეპარტამენტის ინფორმაციით, სტიქიის შედეგად 48 შენობა დაინგრა, კიდევ უფრო მეტი კი- დაზიანდა. ათობით ათასობით ადამიანი ელექტროენერგიის გარეშეა დარჩენილი.
ნეშვილი აშშ-ის ერთ-ერთი ყველაზე სწრაფად მზარდი ქალაქია, სადაც 691 000 ადამიანი ცხოვრობს.