დავით ჭიჭინაძე - ჩემთვის აბსოლუტურად უინტერესოა რაზე საუბრობს დღეს ხელისუფლება და ოპოზიცია

კობახიძის არითმეტიკას და მის მამაძაღლობას ნამდვილად ვერ „გავაპრავებ“ და არც ეს ოპოზიციაა ხალხის ინტერესების დამცველი, - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე და საარჩევნო სისტემასთან დაკავშირებულ კენჭისყრაში მონაწილეობას გამორიცხავს.

„მე კენჭისყრაში არ მივიღებ მონაწილეობას, იმიტომ, რომ მე მაშინ გამოვუცხადე პროპორციულ არჩევნებს ჩემი უპირობო მხარდაჭერა, როდესაც ეს ხალხის მიერ მიღებული გადაწყვეტილება იყო. ახლა კი, „გადამგდებ“ ხელისუფლებას ლეგიტიმაციაში ვერ მივეხმარები. მითუმეტეს, რომ „ოცნება“ დელიგიტიმაციის გზას ადგას და ნებისმიერი მოლაპარაკება მათთან, ხელის ჩამორთმევა, მათი არჩევნების ლეგიტიმაციას ნიშნავს და მეტს არაფერს“, - აცხადებს ჭიჭინაძე.

მისივე თქმით, არც ოპოზიციაა ხალხის ინტერესების გამომხატველი.

„არაერთხელ შევთავაზე ოპოზიციას, მოეწვიათ მიტინგი და თუ ხალხი მათ ხელისუფლებასთან, ან ზოგადად მოლაპარაკების მანდატს მისცემდა, მაშინ კი ბატონო, მაგრამ მსგავსი არაფერი მომხდარა. ანუ ასე, რასაც ახლა ვუყურებთ, კაბინეტებში, სადილებზე, კულუარებში ამ საკითხზე მოლაპარაკება არ უნდა ხდებოდეს.

ზოგადად კი, ფაქტია, რომ საარჩევნო სისტემის გამო, ხალხი არცერთ პერიოდში ქუჩაში არ გამოდის. ადამიანებს პროგრამა აინტერესებთ და მერე ის, თუ როგორ უსრულებენ ამ დანაპირებს.

„ოცნებამ“ კი, არათუ პრაქტიკულად ყველა საარჩევნო დაპირება, 20 ივნისს ღირსებით, სისხლით მოპოვებული დაპირებაც არ შეასრულა და ყველაფერი 5-15-35 არითმეტიკამდე დაიყვანა. ამიტომ ვაცხადებ, რომ ჩემთვის აბსოლუტურად უინტერესოა რაზე საუბრობს დღეს ხელისუფლება და ოპოზიცია.

ჩვენ უნდა მოვილაპარაკოთ ხალხთან, რომ მოვიდნენ არჩევნებზე, მისცენ ხმა ღირსებას, რეალობას და გამოწვევებს რაც ქვეყანაშია. თუმცა სამწუხაროდ, დღეს ყველაზე დიდი გამოწვევა გვიახლოვდება და ასეთი უმოქმედო ხელისუფლების და უპასუხისმგებლო პოლიტიკური ელიტის ხელში, ჩვენს ქვეყანას შესაძლოა, საკმაოდ მძიმე ეკონომიკური პრობლემები დაუდგეს,“- აღნიშნავს ჭიჭინაძე.

აღნიშნულ ინფორმაციას პარტია „ტრიბუნას“ პრესსამსახური ავრცელებს.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა