2019 წელს 41 სასწრაფო დახმარების ცენტრი და 104 ამბულატორია აშენდა, ასევე დასრულდა 272 ამბულატორიის შენობის რეაბილიტაცია

საქართველოს ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა პარლამენტში, „მინისტრის საათის“ ფორმატში, სხვა მიმართულებებთან ერთად, დეპუტატებს რეგიონებში განსახორციელებელი პროექტების ფონდის მეშვეობით დაფინანსებული სამუშაობის ანგარიში გააცნო.

როგორც ვიცე-პრემიერმა აღნიშნა, 2019 წელს ფონდის ბიუჯეტმა ისტორიულ ნიშნულს მიაღწია.

„გასულ წელს, ფონდის ბიუჯეტმა ისტორიულ ნიშნულს მიაღწია და 310 მლნ ლარით დაფინანსდა 1239 პროექტი. ახალი პროგრამის ფარგლებში, 2019 წელს, 41 სასწრაფო დახმარების ცენტრი და 104 ამბულატორია აშენდა, ასევე დასრულდა 272 ამბულატორიის შენობის რეაბილიტაცია. ამ ინფრასტრუქტურის აღჭურვას წელს ჯანდაცვის სამინისტრო ეტაპობრივად უზრუნველყოფს და ჩვენი მოქალაქეები სათანადო მომსახურების მიღებას შეძლებენ. ცალკე მინდა აღვნიშნო სტიქიის პრევენციის ღონისძიებების კუთხით განხორციელებული 148 პროექტი, რაც მომავალში რისკებს მნიშვნელოვნად შეამცირებს,“ - აღნიშნა მაია ცქიტიშვილმა.

რეგიონული განვითარებისა და ინფრასტრუქტურის მინისტრმა სიტყვით გამოსვლისას ხაზი გაუსვა სოფლის მხარდაჭერის პროგრამას, რომლის ფარგლებშიც გასულ წელს 40 მლნ ლარით 4812 პროექტი დაფინანსდა.

„ეს პროგრამა წელსაც გრძელდება და 2500-ზე მეტი შეხვედრა უკვე გამართულია. ახლა მუნიციპალიტეტებიდან ველოდებით კონკრეტული განაცხადების მიღებას სხვადასხვა პროფილის პროექტების დასაფინანსებლად,“ - განაცხადა მაია ცქიტიშვილმა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება