მაია ცქიტიშვილი - ანაკლიის პროექტი იყო, არის და რჩება სტრატეგიულ პროექტად

ანაკლიის პროექტი არის სტრატეგიული პროექტი. იყო და რჩება სტრატეგიულ პროექტად, - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა პარლამენტში „მინისტრის საათის“ ფორმატში, დეპუტატების მიერ დასმული შეკითხვის საპასუხოდ განაცხადა.

როგორც მაია ცქიტიშვილმა აღნიშნა, გეგმა არის ის, რომ ანაკლიის პროექტი უნდა განვითარდეს.

„ანაკლიის პროექტი იყო და რჩება სტრატეგიულ პროექტად. შესაბამისად, ჩვენთვის მნიშვნელოვანია, რომ ეს პროექტი წარმატებულად განვითარდეს. ამისთვის, კონკრეტული გეგმა არის ახალი ინტერესთა გამოხატვის გამოცხადება. ეკონომიკის სამინისტრო, რომელიც ბევრად უფრო უკეთ სპეციალიზირებულია ინვესტორებთან მუშაობაში, ამჟამად ამუშავებს ინტერესთა გამოხატვის ახალ პირობებს. ასევე, როგორც საჯაროდაც განვაცხადეთ, ჩვენი საერთაშორისო პარტნიორები, ევროპის რეკონსტრუქციის და განვითარების ბანკიც მზად არის, რომ სპეციალისტების კონსულტაციით დაგვეხმაროს იმისთვის, რომ უფრო გამართული ინტერესთა გამოხატვის პირობები მომზადდეს, რათა შემდგომში ბევრად უფრო ნაკლებად მოგვიწიოს ინვესტორის მოძიება. აქედან გამომდინარე, პროექტი რჩება ჩვენს ინტერესთა სფეროში“, - განაცხადა ცქიტიშვილმა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს