მაია ცქიტიშვილი - ვამბობთ ხოლმე, რომ მთავრობაში მხოლოდ ოპტიმისტები ვართ, პოზიტიური მოლოდინი მაქვს, რომ დიალოგში ჩართული ყველა მხარე შეთანხმების საჭიროებას ხედავს

საქართველოში პოლიტპატიმრები არ გვყავს, - ამის შესახებ საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა ჟურნალისტებთან განაცხადა.

რაც შეეხება დიალოგს, მინისტრი ამბობს, რომ მისი მოლოდინი ოპტიმისტურია.

"მნიშვნელოვანია, რომ ობიექტური შეფასებები გვქონდეს იმ ადამიანების ქმედებებისა და სამართალდარღვევების თაობაზე, რის გამოც ამა თუ იმ პირს ესა თუ ის ზომა შეფარდებული აქვს.

რაც შეეხება დიალოგს, მთელი ამ პერიოდის განმავლობაში ვნახეთ, რომ ბევრი სხვადასხვა მოსაზრება იყო და ეს პოზიციები უფრო და უფრო ახლოვდება. პირველ რიგში, დიალოგი არის ერთმანეთის მოსმენა და კომპრომისი, თუნდაც, ის პირობები, რომელიც ოპოზიციის მხრიდან იყო გაჟღერებული და "ქართული ოცნების" მხრიდან იქნა მიღებული, რაც ე.წ. 40 პროცენტიან ჩამკეტს გულისხმობს, ერთ-ერთი გამოხატულებაა იმ დიალოგის, რაც მხარეებს შორის მიმდინარეობს. ვამბობთ ხოლმე, რომ მთავრობაში მხოლოდ ოპტიმისტები ვართ, პოზიტიური მოლოდინი მაქვს, რომ ყველა მხარე, რომელიც დიალოგშია ჩართული შეთანხმების საჭიროებას ხედავს. "ქართულმა ოცნებამ" ოპოზიციის მოთხოვნების ნაწილი გაიზიარა და ოპოზიციამაც უნდა გაიზიაროს ის მოთხოვნები, რომელსაც მმართველი გუნდი ან სხვა პოლიტიკური პარტიები წარადგენენ. ამიტომ, დაველოდოთ დიალოგის შედეგებს. ვხედავთ, რომ ინტენსიურად მიმდინარეობს შეხვედრები, ამ პროცესში ჩვენი პარტნიორები გვეხმარებიან",- განაცხადა მაია ცქიტიშვილმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა